2024-yil 26-fevral O‘zbekiston qishloq xo‘jaligi sohasini rivojlantirish yo‘lida muhim qadam bo‘ldi. Xalqaro taraqqiyot uyushmasi hamda Xalqaro tiklanish va taraqqiyot banki ishtirokida O‘zbekiston Respublikasi Iqtisodiyot va moliya vazirligi, O‘zbekiston Respublikasi Qishloq xo‘jaligi vazirligi hamda “Mikrokreditbank” ATB o‘rtasida 50 million AQSh dollari miqdoridagi mablag‘larni chorvachilik sohasini rivojlantirish uchun jalb qilish bo‘yicha qayta kreditlash bitimi imzolandi.
Ushbu shartnoma “Chorvachilik sohasini rivojlantirish (2-bosqich)” istiqbolli loyihasi asosida tuzilgan bo`lib, mamlakatimiz qishloq xo‘jaligi sohasida sezilarli yaxshilanishlarga sabab bo‘lishi kutilmoqda. Bitim doirasida chorvachilik sohasiga oid barcha yo‘nalishlarda, jumladan, sut va goʻsht mahsulotlarini ishlab chiqarish bilan bir qatorda, ularni qayta ishlash bilan bog‘liq yo‘nalishlarda ham kredit va investitsiyalar ajratish ko‘zda tutilmoqda.
Eng muhimi, ushbu loyiha asosida kreditlash ma’lum bir mintaqa bilan chegaralanib qolmaydi, balki respublikamizning barcha hududlarida sohaga yo‘naltiriladi. Bunday inklyuziv yondashuv butun mamlakat bo'ylab iqtisodiy barqarorlik va faol biznesni rag‘batlantirishga ko‘maklashadi.
Bundan tashqari, mazkur bitim loyihalar uchun mablag‘larning ajratilishi moliyaviy xizmatlardan foydalanish imkoniyatlarini kengaytirishga qaratilgan strategik e’tiborni ifodalaydi. Chorvachilik bilan shug‘ullanuvchi korxonalar, shuningdek, ushbu sohaga kirishni rejalashtirgan ishbilarmonlar o`z bizneslarini boshlashlarida muhim ahamiyat kasb etishi kutilmoqda.
Chorvachilikni rivojlantirish orqali mamlakatimiz nafaqat oziq-ovqat xavfsizligini mustahkamlaydi, balki iqtisodiyotni diversifikatsiya qilish va qishloqlarning turmush tarzini ham yangi bosqichga ko‘taradi.
Ma’lumot uchun, Prezidentimiz Shavkat Mirziyoyevning 2023-yil 5-iyuldagi PQ-211-sonli qaroriga muvofiq, kelishuv chorvachilikni rivojlantirish uchun 50 million AQSh dollarini jalb etishni nazarda tutadi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
