Samarqand viloyati Kattaqoʼrgʼon shahrida joylashgan “Pokiza Zinnura” NTMning rahbari Rajabova Mehrinisoning murojaati yuzasidan quyidagilarni maʼlum qiladi.
Samarqand viloyati Kattaqoʼrgʼon shahrida joylashgan “Pokiza Zinnura” NTMning rahbari Rajabova Mehriniso 2021 yil 26 mart kuni “Mikrokreditbank” АTB Kattaqoʼrgʼon filialidan hisob raqami ochgan va NTM ochish niyatida ekanligini aytgan.
“Mikrokreditbank” АTB Kattaqoʼrgʼon filiali mijozi “Pokiza Zinnura” NTMga MTM binosini taʼmirlash uchun smeta xarajatlari uchun umumiy hisobda 1 233 131,0 (bir milliard ikki yuzi oʼttiz uch million bir yuz oʼttiz bir ming) soʼm mablagʼ kerak edi. NTM rahbari Rajabova Mehrinisoning oʼz mablagʼi esa 283 133.0 (ikki yuz sakson uch million bir yuz oʼttiz uch ming) soʼmni tashkil etardi. Bank mijozni qoʼllab-quvvatlash orqali unga 2021 yil 8 aprelda 312-sonli shartnomaga asosan 36 oy muddatga 6 oylik imtiyozli davr bilan Maktabgacha taʼlim muassasasi binosini qurish uchun 950 000 000 (toʼqqiz yuz ellik million) soʼm kredit mablagʼi ajratib beradi.
Shundan soʼng kredit taʼminoti sifatida “Pokiza Zinnura” NTMga tegishli Samarqand viloyati Kattaqoʼrgʼon shahar Miyonkol MFY Kattaqoʼrgʼon koʼchasi 1-uyda joylashgan Nodavlat taʼlim muassasasi umumiy yer maydoni 599,85 kv. metr, qurilish osti maydoni 392,27 kv. metr va binoning garovga taqdim etiladigan yer maydoni 394,65 kv. metr boʼlgan hudud koʼrsatiladi.
Natijada bank va “Pokiza Zinnura” NTM oʼrtasida koʼchmas mulkni garovga qabul qilish qiymati 712.500.000 soʼm miqdorida baholashga kelishiladi va Tadbirkorlik faoliyatini qoʼllab-quvvatlash davlat jamgʼarmasi fondining 475 000 000 (toʼrt yuz yetmish besh million) soʼmlik kafilligini taqdim etiladi.
Аmmo murojaatda taʼkidlangandek, NTM rahbari Rajabova Mehrinisoga bank kredit ajratishni rad etmagan, balki avvalgi kreditlarni toʼlash kerakligi tushuntirilgan.
Oʼrganishlarga koʼra, bugungi kunda “Pokiza Zinnura” NTMning foiz qarzdorligi 196 241 000 soʼmni tashkil etishi, “Pokiza Zinnura” NTMga ajratilgan kreditga bugungi kunda schyot-faktura taqdim etmaganligi va monitoring qilinmaganligi aniqlandi.
Bank mijoz bilan tushuntirish ishlari olib borgan boʼlishiga qaramay “Pokiza Zinnura” NTM rahbari kreditlarni vaqtida toʼlashni kechikritib kelganligi sababli mart oyida Maktabgacha taʼlim muassasasi ustidan shahar prokuraturasiga hujjatlari takdim etildi.
Аyni damda holat yuzasidan surishtiruv ishlari olib borilmoqda.
Bank Аxborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
