O‘zbekiston Respublikasida 2026-yil 15-yanvardan 28-fevralga qadar aholi va qishloq xo‘jaligini ro‘yxatga olish tadbiri o‘tkaziladi. Shu munosabat bilan, Respublika komissiyasining 2025-yil 31-oktabrdagi 98-son qaroriga asosan aholini ro‘yxatga olish jarayoni va uning ahamiyati keng targ‘ib qilinmoqda.
Mazkur ro‘yxatga olish tadbiri mamlakatimizning ijtimoiy-iqtisodiy rivojini rejalashtirish, aholi turmush darajasini oshirish hamda qishloq xo‘jaligi sohasida samarali qarorlar qabul qilishda muhim ahamiyat kasb etadi.
Fuqarolardan:
• ro‘yxatga olish jarayonida faol ishtirok etish,
• beriladigan ma’lumotlarning to‘g‘ri va ishonchli bo‘lishini ta’minlash,
• rasmiy axborot manbalarida e’lon qilinadigan xabarlarga e’tibor qaratish so‘raladi.
Mikrokreditbank ushbu muhim davlat tadbirida aholining xabardorligini oshirishga doimiy ravishda ko‘maklashib boradi.
Mustaqil O‘zbekistonning 34 yillik tarixi davomida hali biror marta aholini ro‘yxatga olish jarayoni o‘tkazilmagan bo‘lib, jarayon ikki usulda bo‘lishi rejalashtirilmoqda. Birinchi usulda, 2026-yilning 15-yanvaridan 31-yanvargacha bo‘lgan muddatda census.stat.uz sayti orqali onlayn ro‘yxatga olish ishlari amalga oshiriladi. Ikkinchi usulda, 4-fevraldan 28-fevralgacha bo‘lgan muddatda maxsus o‘quvdan o‘tgan shaxslar uyma-uy yurib, ro‘yxatga olish ishlarini amalga oshiradi.
Eslatma: ro‘yxatga olish jarayonida taqdim etilgan barcha ma’lumotlar maxfiy hisoblanadi va faqat statistik maqsadlarda foydalaniladi.
Aholini ro‘yxatga olish shunchaki tadbir emas, balki ancha ko‘proq narsani anglatadi. Bu mamlakatning insoniy salohiyati, resurslari, ehtiyojlari va istiqbollarining keng ko‘lamli inventarizatsiyasidir. Unutmang, sizning ishtirokingiz jamiyat va davlat rivojiga kiritiladigan ulkan investitsiyadir.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
