Jahonda boʻlgani kabi yurtimizda ham axborot kommunikatsiya texnologiyalari rivojlangan sari uning qulayliklaridan foydalanish bilan bir qatorda axborot xavfsizligini taʼminlash masalalari ham dolzarb boʻlib qolmoqda. Bugun, ayniqsa, elektron toʻlov vositalaridan xavfsiz foydalanish, shaxsga doir maʼlumotlarni ishonchli himoya qilish va ulardan noqonuniy foydalanishga yoʻl qoʻymaslik kiberzoʻravonlik kabi holatlar sodir etilishining oldini olish, taqiqlangan kontentlarga qarshi raqamli kurashish borasida targʻibot tadbirlarini yanada kengaytirish zarurati paydo boʻldi.
Davlatimiz rahbarining joriy yil 21-fevraldagi “Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi Farmonining 4-ilovasi bilan tasdiqlangan rejaning 30-bandida “Fuqarolarning kiberjinoyatlar qurboniga aylanishining oldini olish hamda kiberjinoyatlarga qarshi kurashishda fuqarolarda “kibergigiyena”ni shakllantirish” vazifasi belgilangan. Shunga koʻra, aholida raqamli immunitetni shakllantirishga alohida eʼtibor qaratilib, joriy yilning 1-iyulidan 31-iyul kuniga qadar respublika miqyosida “Kibermadaniyatni yuksaltirish oyligi” kompleks targʻibot tadbirlari oʻtkazildi.
“Kibermadaniyatni yuksaltirish oyligi” doirasida aholini yanada qiziqtirish va keng jalb qilish maqsadida 13 ta yoʻnalishda tanlov eʼlon qilingan edi. Unda boshqa korxona va tashkilotlar qatorida “Mikrokreditbank” ATB jamoasi ham faol ishtirok etdi.
Xususan, Andijon viloyat ichki ishlar boshqarmasi va qator tashkilotlar hamkorligida tashkil etilgan va bank filiallari o‘rtasida o‘tkazilgan "Kiberxavfsizlik oyligi"ning yakuniy natijalariga koʻra “Mikrokreditbank” ATB Asaka BXM jamoasi “Eng faol bank jamoasi” nominatsiyasi boʻyicha I darajali diplom bilan taqdirlandi.
Zamon bilan hamnafaslikda yurtimizda amalga oshirilayotgan islohotlarga dahldorlik hissi va jamiyatda faolligi bilan oʻrnak boʻlgan Asaka BXM jamoasiga yutuqlari bardavom bo‘lsin deymiz.
Bank Axborot xizmati
Yana ko‘ring
MKBANK: Zo‘ravonlikka yo‘l yo‘q!
Tadbirda xotin-qizlarni har qanday zo‘ravonlikdan, xususan, raqamli makondagi tahdidlardan himoya qilish muhim ekanligi ta’kidlandi.
Bayramda ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz va barcha to‘lovlarni amalga oshirishingiz mumkin!
