“Mikrokreditbank” ATB kredit qarzdorliklarini avtomatik undirish tizimini yanada samarali qilish maqsadida yangi modulni joriy qilmoqda. Ushbu modul orqali monitoring, operatsiyalar, sozlamalar va hisobotlarni avtomatlashtirish rejalashtirilgan.
Modulni takomillashtirish natijasida, “Uzcard” kartalarida qoldiqlar tekshirish chastotasi sutkasiga 4 martadan 220 martagacha, “Humo” kartalarida esa 4 martadan 40 martagacha oshiriladi.
Kartalarni tekshirish sikli 6 soatdan 4-5 daqiqaga (Uzcard) va 30 daqiqaga (Humo) tushiriladi. Qarzdorliklar uchun mablagʻlar kafillar kartalaridan ham undiriladi. Bank kartalari ustuvorlik darajasi boʻyicha saralanadi va kredit toʻlovlari birinchi navbatda, ustuvor hisoblangan kartalardan hamda elektron hamyonlaridan ham yechiladi. Bundan tashqari, avtomatik undirish jarayoni xalqaro bank kartalari (Visa, Mastercard, UnionPay)ga ham tatbiq etiladi.
Shuningdek, “WEBASE” MCHJ bilan hamkorlikda “Uzcard” va “Humo” protsessing tizimlariga toʻgʻridan-toʻgʻri ulanish, budjet tashkilotlari xodimlari kartalari uchun “UzASBO” tizimi orqali monitoring yoʻlga qoʻyiladi. Qarzdorlar haqida ma’lumotlar bazasi kunlik yangilanib, sun’iy intellekt orqali toʻlov ustuvorligi belgilab boriladi.
Ushbu oʻzgarishlar bank tizimini raqamlashtirish, qarzdorliklarni tezkor undirish uchun qulaylik yaratishga xizmat qiladi.
Bank Axborot xizmati
Yana ko‘ring
MKBANK rahbariyati “Dolzarb 40 kunlik” doirasida mahallalarni o‘rgandi
Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
“MUSTAQILLIK VA MEN” — RASMLAR TANLOVIGA MARHAMAT!
Tanlovda 6–11 yoshdagi bank xodimlarining farzandlari ishtirok etishi mumkin.
