“Mikrokreditbank” АTB Qashqadaryo viloyati mintaqaviy filiali rahbariyati tomonidan bank xodimlarini savodxonligini oshirish, murojaatlarni kamaytirish, bank biznesini rivojlantirish, mavjud bank xizmat va kredit turlarini targʼib qilgan holda mijozlarni, xususan korporativ mijozlarni jalb etish, bank faoliyatini samarali tashkil etish orqali xodimlarni moliyaviy qoʼllab-quvvatlashni maqsadida har haftaning shanba kuni maʼsul xodimlar ishtirokida oʼquv treninglari oʼtkazilmoqda.
Joriy yilning 17-sentabrda mintaqaviy filial rahbariyati va viloyatda xizmat safarida boʼlib turgan Bosh bank xodimlari hamda viloyatning barcha filiallari Kichik biznes, Davlat dasturlari va Chakana kreditlar maʼsul xodimlari hamda BXM rahbarlari va menejerlari ishtirokida tashkil etilgan birinchi oʼquv treningda bank rahbariyati tomonidan olib borilayotgan transformatsiya jarayoni, bankda yuridik va jismoniy shaxslar uchun mavjud barcha kredit turlari, kredit hujjatlarini meʼyoriy hujjatlar talablari doirasida rasmiylashtirish koʼrgazmali materiallari asosida tushuntirildi.
Xususan, trening davomida Bankning oʼz mablagʼlari, Osiyo taraqqiyot banki, Fransiya Taraqqiyot agentli, Yoshlar sanoat zonasida joylashgan loyihalarni moliyalashtirish uchun jalb etilgan mablagʼlar hisobidan loyihalarni moliyalashtirish boʼyicha batafsil maʼlumot berildi.
Oʼquv mashgʼuloti yakunida “Mikrokreditbank” АTBning xizmat turlari, kredit liniyalari boʼyicha materiallar, viloyatga belgilangan biznes reja va HMI mablagʼlari hisobidan loyihalarni moliyalashtirish rejasi maʼsul xodimlarga yetkazildi.
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
