Ijtimoiy tarmoqlarda Toshkent viloyati Boʻstonliq tumanida istiqomat qiluvchi fuqaro Sobira Azimboyeva tomonidan yoʻllangan murojaat asosida tayyorlangan lavhada “Mikrokreditbank” ATBdan kredit olganidan soʻng bank tomonidan uyi tortib olinganligi haqida soʻz borgan.
Ushbu murojaat yuzasidan quyidagilarni ma’lum qilamiz.
2021-yil 25-fevralda “Mikrokreditbank” ATB va “PRIMERO ICE” MCHJ oʻrtasida muzqaymoq mahsulotlari sotib olish uchun 12 oy muddatga 500 million soʻm miqdorda yillik 24 foizli ustama toʻlash sharti bilan shartnoma imzolangan edi. Kredit ta’minoti sifatida fuqaro Jamol Aripjanovga tegishli boʻlgan G‘azalkent shahri, F.Xoʻjayev koʻchasida joylashgan 38-uy (uy egasining roziligi asosida) garovga olingan. Biroq “PRIMERO ICE” MCHJ tomonidan olingan kreditlar oʻz vaqtida toʻlanmay kelingan.
Shundan soʻng bank tomonidan shartnoma shartlari buzilganligi sababli, qonun doirasida qarzdorlikni undirish hamda undiruvni garov mulkiga qaratish yuzasidan fuqarolik ishlari bo‘yicha Chirchiq tumanlararo sudiga da’vo arizsia bilan murojaat qilingan. Sudning hal qiluv qaroriga asosan, MIB Bo‘stonliq tumani davlat ijrochilari tomonidan ijro harakatlari olib borilgan. Ijro harakatlari natijasida garovdagi turar joy binosi qarzdorlik undiruvi sifatida “E-auksion” savdo platformasiga joylashtirilib, sotuvga chiqarilgan. Ammo savdo natijalariga ko‘ra yuqoridagi garov ta’minoti sotilmaganligi sababli bank balansiga natura shaklida qarzdorlikni so‘ndirish evaziga taklif qilingan. Davlat ijrochisining taklif xatiga asosan garov mulki bank balansiga qabul qilingan.
Keyinchalik, bank yuqoridagi mulkni bank balansiga qabul qilinganidan so‘ng e-auksion platformasi orqali savdoga chiqargan.
Turar joy binosi fuqaro Azimjon Norbekov tomonidan auksion savdolari orqali sotib olingan. Biroq unga uyni topshirishda muammolar tugʻilgan. Ya’ni ushbu uyda yashovchi, ammo doimiy ro‘yxatda bo‘lmagan fuqaro Sobira Azimboyeva uydan koʻchishni istamagan. Shundan soʻng bank tomonidan FIB Chirchiq tumanlararo sudiga fuqarolarni majburiy tartibda koʻchirish boʻyicha da’vo ariza kiritilib, da’vo toʻliq bank foydasiga qanoatlantirilgan.
Boʻstonliq tumani MIB tomonidan sud qarori ijrosini ta’minlash boʻyicha ijro harakatlari olib borilishiga qaramasdan, S.Azimbayeva tomonidan ijro harakatlariga toʻsqinlik qilib kelingan.
Shundan soʻng mazkur turar joy binosini auksion orqali boʻlib to‘lash sharti bilan xarid qilgan xaridor Azimjon Norbekov keyinchalik bank oldidagi majburiyatini bajara olmasligini bildirib, oʻz majburiyatlarini S.Azimboyevaga oʻtkazishni soʻrab murojaat qilgan.
Ayni paytda sotib oluvchi va uyda yashovchi fuqarolar tomonidan oʻzaro kelishilgani hisobga olinib, (ikki tomonning arizalari ham mavjud) G‘azalkent BXO kredit komissiyasining ijobiy xulosasi orqali hujjatlar bank Boshqaruviga ko‘rib chiqish uchun taqdim etilgan.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
