Bugun mamlakatimizda davlat idoralari va tashkilotlarida korrupsiyaga qarshi kurashish boʻyicha Komplayens-nazorat tizimi amaliyotga tatbiq etilayotgani, bunday tuzilmalar korrupsiyaga qarshi kurashishda xalqaro standartlar talablariga javob beruvchi kompleks tizim yaratish va rivojlantirishga katta hissa qoʻshayotgani quvonarli.
Ana shu maqsadda, Mikrokreditbank xodimlari orasida korrupsion holatlarga murosiz bo‘lishni shakllantirish va ularda poraxo‘rlikka qarshi immunitetni kuchaytirish maqsadida, CERT-ACADEMY trening tashkiloti xalqaro auditori Alisher Alimov ishtirokida to‘rt kunlik seminar-trening tashkil etildi.
Bankdagi turli departament xodimlarini bir mavzu atrofida birlashtirgan mazkur trening ochiq va samimiy muloqot tarzida o‘tdi.
Eng muhimi, dolzarb savollarga berilgan aniq javoblar tinglovchi xodimlarning kelgusida korrupsiyaga qarshi qonun hujjatlarini yanada chuqurroq o‘rganishlariga turtki bo‘ldi.
Ta’kidlash kerakki, ISO 37001: 2025 tashkilotda korrupsiyaga qarshi kurashning samarali tizimini yaratishning xalqaro usullarini oʻzida jamlagan, korrupsiyaga qarshi mukammal boshqaruv tizimini yoʻlga qoʻyishga xizmat qiladigan xalqaro standartdir. U kompaniyalarga poraxoʻrlikning oldini olish, aniqlash va chora koʻrish, shuningdek, korrupsiyaga qarshi qonunchilikka rioya qilish imkonini beradi.
Mazkur xalqaro sertifikatga MKBANK xodimlarining munosib ko‘rilishi endilikda bankda korrupsiyaga qarshi boshqaruv tizimini ishlab chiqish, joriy etish, tahlil qilish va takomillashtirish uchun talab va koʻrsatmalarni belgilab beradi, desak adashmagan bo‘lamiz.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
