“Mikrokreditbank” ATB tomonidan bank moliyaviy koʻmagida oʻz tadbirkorlik faoliyatini boshlab, uni samarali davom ettirayotgan tadbirkorlar talaygina. Ana shunday loyihalarni keng jamoatchilikka tanishtirish maqsadida 28-oktabr kuni Buxoro viloyatida press-tur tashkil etildi. Unda respuplika hamda mahalliy OAV vakillari ishtirok etdi.
Jurnalistlar dastlab Buxoro shahridagi “ALFA MEDICAL CENTER” xususiy klinikasi faoliyati bilan tanishdi.
Bu yerda aholiga barcha turdagi tibbiy xizmatlar ko‘rsatilib kelinmoqda. Eng so‘nggi tibbiyot uskunalari bilan jihozlangan klinika “Mikrokreditbank” ATBdan 4,5 mln. AQSH dollari miqdorida kredit olgan va bugun 24 nafar aholi bandligini ta’minlagan. Ayni paytda malakali shifokorlar, xushmuomala hamshiralar shinam klinikada bemorlarga xizmat qilib kelmoqda.
Shundan soʻng press-tur ishtirokchilari G‘ijduvon tumanidagi “GIJDUVAN ECO BOTTLERS” MCHJga yoʻl olishdi.
Tumanning “Baraka” mahallasida joylashgan ushbu korxonaga Alisher G‘ulomov rahbarlik qiladi. Tadbirkor korxonasida meva sharbatlari hamda salqin ichimliklari ishlab chiqarish bilan shug‘ullanadi. Faoliyatini 4 mlrd. so‘m kredit bilan boshlagan va ayni paytda yana 12 mlrd. so‘m kredit olib, qo‘shimcha uskunalar xarid qilish evaziga 58 nafar aholi bandligini ta’minlagan.
Jurnalistlar press-tur davomida korxona faoliyati bilan yaqindan tanishdi. Bugun korxona “ECO” brendi ostida mahalliy bozorni gazli va gazsiz suv bilan ta’minlamoqda. Korxona joriy yil yakuniga qadar meva sharbatlari ham ishlab chiqarishni yo‘lga qo‘yish uchun Xitoy davlati bilan hamkorlikni boshlagan.
Shuningdek, press-tur davomida jurnalistlarga bankning Buxoro viloyati hududiy boʻlinmalariga biriktirilgan 59 ta mahallada faoliyat olib borish uchun 18 nafar “Mahalla bankiri” va 59 nafar yordamchi agentlarning faoliyati, ular tomonidan yoʻlga qoʻyilga mikroloyihalar haqida ham maʼlumotlar berildi.
Joriy yilning oʻtgan davrida bank tomonidan 7,4 trln. so‘m kredit ajratilgan. Bundan 247 ta yirik korxonaga 1,7 trln. so‘m ekvivalentida kredit liniyalari ajratilishi hisobiga 6 300 ga yaqin ishchi o‘rni yaratiladi. Shundan 558,3 mlrd. soʻmi xorijiy kredit liniyalariga to‘g‘ri keladi.
Buxoro viloyati bo‘yicha esa 30 ta yirik tadbirkorlik subyektlariga 111 mlrd. soʻm ekvivalentida kredit liniyalari ajratilishi hisobiga 500 ga yaqin ishchi o‘rni yaratiladi. Mazkur mablag‘larning 43,2 mlrd. soʻmi xorijiy kredit liniyalaridan taqdim etildi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
