Qorako‘l tumani Jigʻachi mahallasida Asalarichilar ko‘chasi bo‘lib, bu nom ko‘chaga yangi berilgan. Qizig‘i, bu yerdagi mahalla ahli “Hasanobod shifo bol” fermer xoʻjaligi rahbari Gʻayrat Iskandarov boshchiligida asalarilar oilasini parvarishlamoqda.
Kooperatsiya asosidagi mazkur loyihada mahalladagi aholi xonadonlariga asalari uyalari tarqatilib, asal yetishtirgan oilalarning mahsulotlari fermer xoʻjaligi tomonidan sotib olinib, qadoqlanadi va ichki bozorga chiqariladi.
Fermer xoʻjalik rahbari Gʻayrat Iskandarov ushbu loyihani 2024-yilda Mikrokreditbankning 680 million soʻmlik krediti yordamida boshlagan.
“Ota-bobom asalarichilik bilan shug‘ullangan, men ham bu kasbni davom ettirib, mahallamizga foydam tegayotganidan xursandman”, deydi Gʻayrat Iskandarov.
Joriy yilda bank tomonidan yana 300 million soʻmlik kredit ajratilib, loyiha doirasida 20 ta kam taʼminlangan oilaga asalarilar uyalari tarqatildi. Fermerning aytishicha, umumiy hisobda 100 ta oilani qamrab olish koʻzda tutilgan.
“Mahallamizga asalarichilar nomi berilgani va biz kabi oilalarni daromadli qilayotgan G‘ayratjonga, bank xodimlariga rahmat, deydi quvonch bilan asalari parvarishlayotgan mahalla ahli.
MKBANK istiqbolli tashabbuslarni qo‘llab-quvvatlashda davom etadi.
Bank Axborot xizmati
Yana ko‘ring
MKBANKda korrupsion holatlar bo‘yicha infografik ma’lumot
Tizimda korrupsiya holatlari va noqonuniy harakatlar haqida xabar berish uchun aloqa kanallarimiz 24/7 rejimida ishlaydi.
Jizzaxda bank xodimlari uchun o‘quv-seminar tashkil etildi
O‘quv jarayonida ishtirokchilarga korrupsiyaning salbiy oqibatlari, uning iqtisodiyot va jamiyat rivojiga ta’siri haqida batafsil ma’lumotlar berildi.
