Xalqimizda sevilgan va qadrlangan barcha buyumlar, usta zargarlar qo‘li bilan bezatilgan hamda ularning anʼanaviy va erkin ijodiy fikrlashi uyg‘unligida o‘zbek zargarlik buyumlarining o‘ziga xos ajoyib shakllari yaratilgan. Biroq zargarlik mahorati ayollar taqinchoqlari, xususan, to‘y bezaklarida o‘zining eng yuksak kamolotiga yetadi, desak adashmaymiz.
Buxoro azaldan zargarlik hunari bilan mashhur. Bu yurtning mahoratli hunarmandlari nafaqat oʻz mahsulotlari bilan, balki yoshlarga hunar oʻrgatish orqali ham milliy merosimizni asrab-avaylab kelmoqda.
Shunday hunarmandlardan biri – buxorolik zargar Nigora Fayziyeva. U turmush oʻrtogʻi bilan birgalikda zargarlik hunari bilan shugʻullanadi. Zargarlik ustaxonasida oʻquv markazi tashkil qilib, unda 10 dan ortiq bolalarga zargarlik sirlarini oʻrgatmoqda.
Zargar Nigora Fayziyevaning taʼkidlashicha, bu hunarni oʻrganish juda qimmat – 2 000 dollardan 10 ming dollargacha baholanadi. Biroq u yoshlarning kelajagini oʻylab, ushbu hunarni oʻrgatishni ancha arzon narxda tashkil etmoqda. Hozircha faqat oʻgʻil bolalarga hunarining sirlarini o‘rgatayotgan boʻlsa-da, endilikda qizlar uchun ham alohida kurslar ochishni rejalashtirgan.
Nigora Fayziyeva oʻz faoliyatida “Mikrokreditbank” koʻmagiga tayanadi. Bank tomonidan unga "Oilaviy tadbirkorlikni rivojlantirish" dasturlari doirasida 31 million soʻmlik kredit ajratilgan edi. Ushbu mablagʻlar zarur uskunalar xarid qilishga yoʻnaltirildi. Bugungi kunda Nigora nafaqat oʻz ishini kengaytirdi, balki koʻplab mijozlarning ishonchini ham qozondi.
Prezidentimiz tomonidan tijorat banklariga xotin-qizlar uchun yangicha yondashuv asosida moliyaviy xizmatlarni yoʻlga qoʻyish orqali ularning biznes loyihalarini qoʻllab-quvvatlash vazifasi qoʻyilgan. Mikrokreditbank ham bu jarayonda faol ishtirok etib, xotin-qizlarga oʻz biznes gʻoyalarini amalga oshirish, kichik va oʻrta biznesni tashkil etish, mavjud faoliyatini kengaytirishga asosiy eʼtiborni qaratgan.
Joriy yilning 7 oyi davomida “Oilaviy tadbirkorlikni rivojlantirish”, “Kichik biznesni qoʻllab-quvvatlash”, “Hamroh” dasturlari, “Biznesga birinchi qadam”, “Mahalla-biznes” va “Mening mahallam” kredit paketlari doirasida jami 1 trln 484 mlrd. soʻmlik imtiyozli kreditlar xotin-qizlarning biznesi uchun yoʻnaltirilgan. Bu orqali 64 000 ming nafardan ortiq ayollarimiz tadbirkorlikka jalb qilingan.
Oilaviy tadbirkorlikni rivojlantirish dasturi doirasida 580 mlrd. soʻmlik imtiyozli kreditlar 36 572 nafar xotin-qizlarga yoʻnaltirildi va bandligini taʼminlashga erishildi.
Bank axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
