Joriy yilning 11-may kuni Facebook ijtimoiy tarmog’iga Fargʼona viloyatida istiqomat qiluvchi fuqaro D.Dalievning “Sharq Ravnaq Tekstil” MChJga investitsiya dasturi doirasida kredit ajratilishi kechikayotganligidan norozi boʼlib murojaat yozgan. 

Mazkur murojjat bank mutaxassislari tomonidan o‘rganilganda, fuqaro hujjatlaridagi mavjud kamchiliklar tashabbuskor tomonidan bartaraf qilinmayotganligi sababli kredit ajratish kechikayotgani aniqlandi.

Jumladan, hukumat komissiyasining 2022-yil 7-oktyabrdagi 80-sonli bayoniga asosan “Sharq Ravnaq Tekstil” MChJga Uchkoʼprik tumanida umumiy qiymati 3 mlrd soʼmlik “maishiy xizmat koʼrsatish” loyihasini amalga oshirish uchun PQ-212-sonli qarorga muvofiq 2 mlrd soʼm kredit ajratilishi belgilangan.

Korxona tomonidan 2 mlrd soʼm kredit olish maqsadida 2022-yil 8-noyabrda bankka murojaat qilingan. Bank tomonidan kredit ajratish maʼqullanib, 2022-yil 17-noyabrda 621-sonli kredit shartnomasi imzolangan.

Biroq, tadbirkorning tashabbusi bilan, taʼminotidagi mavjud muammolar (noturar bino-inshootlarni mulk egasi tomonidan garovga qoʼyish rad qilingan) sababli, Hukumat komissiyasining 2022-yil 12-dekabrdagi 101-sonli bayoniga asosan loyihani amalga oshirish muddati 2023-yil iyul oyiga uzaytirilgan.

Shundan soʼng, tashabbuskor tomonidan 2023-yil 4-mayda bankka qayta murojaat qilinib, taʼminoti yetadigan miqdorda yaʼni, 1 mlrd soʼm kredit olish uchun hujjatlar taqdim qilingan. Hozirda hujjatlardagi kamchiliklar tashabbuskor tomonidan bartaraf qilinmayotganligi sababli kredit ajratish kechikmoqda.