Joriy yilning 12-iyun kuni "BASTION" telegram kanalida Asaka tumanida yaqindagina Mikrokreditbankning yangi filiali rekonstruksiya qilingani, lekin shundoq katta, yangi jihozlangan bankda elektron navbat yoʻlga qoʻyilmagani haqida murojaat eʻlon qilindi.
Mazkur murojaat masʻullar tomonidan oʻrganildi.
Maʻlumki, “Mikrokreditbank” ATB tizimida xizmat koʻrsatish sifatini yaxshilash, hududiy tarmoqlarda navbat bilan kelib chiqadigan muammo hamda noqulayliklarnng oldini olish va bank mijozlariga qulayliklar yaratish maqsadida "Elektron navbat” qurilmalarini oʻrnatish ishlari olib borilmoqda.
Bugungi kunda respublikamiz boʻyicha mavjud 150 dan ortiq Bank xizmatlari ofisi va markazlarida jami 74 dona “Elektron navbat” tizimi orqali mijozlarga xizmat koʻrsatilmoqda. Rejaga asosan, 2025-yil oxirigacha qolgan bank xizmatlar markazlari, xususan Asaka bank xizmatlari markaziga ham ushbu qurilma oʻrnatilishini maʼlum qilamiz.
Bank Axborot xizmati
Yana ko‘ring
Bayram kunlaridagi ish tartibi!
