“Mikrokreditbank” ATB Boshqaruv raisining o‘rinbosari vazifasini vaqtincha bajaruvchi Umrbek Jumaniyazov Farg‘ona viloyatida faoliyat yuritayotgan eksportchi korxonalar rahbarlari bilan uchrashuv o‘tkazdi.
Uchrashuvda Farg‘ona, Oltiariq, Quva, Beshariq hamda O‘zbekiston tumanlaridagi 50 ga yaqin yirik eksportchi korxonalar rahbarlari ishtirok etdi. Tadbir doirasida bank tomonidan eksport faoliyatini moliyalashtirish uchun taklif etilayotgan kredit mahsulotlari hamda Faktoring xizmatlari haqida batafsil ma’lumot berildi.
Muloqot davomida tadbirkorlardan 20 dan ortiq taklif va murojaatlar qabul qilindi. Ulardan 14 tasi joyida hal etildi.
Jumladan, Oltiariq tumanidagi “Sheroxun” xususiy korxonasi rahbari tomonidan bankning Faktoring xizmatidan foydalanish yuzasidan bildirilgan murojaatiga asosan, shu kuniyoq unga 37 ming AQSH dollari miqdorida mablag‘ ajratish bo‘yicha tegishli hujjatlar rasmiylashtirildi.
Shu kuni bank mutasaddilari tadbirkorlarning murojaatlarini joyiga chiqqan holda ham o‘rganishdi va ular bilan faoliyatida duch kelayotgan muammolar yuzasidan shuhbatlashildi. Shuningdek, uchrashuvda ko‘tarilgan masalalarni ijobiy hal etish yuzasidan tegishli mas’ul xodimlarga aniq topshiriqlar berildi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
