Toshkent shahrida boʻlib oʻtgan IV Toshkent Xalqaro Investitsiya forumining eʼtiborga molik jihatlaridan biri shundaki, uning doirasida ilk bor investitsiya koʻrgazmasi tashkil etildi. Ushbu koʻrgazma mahalliy va xalqaro ishtirokchilar uchun yangicha platforma sifatida xizmat qildi.
Koʻrgazmada “Mikrokreditbank” ATB ham oʻzining turli moliyaviy mahsulotlari va xizmatlarini namoyish etish orqali, potensial hamkorlar bilan oʻzaro manfaatli hamkorlik uchun maydon yaratdi.
Forum doirasida turli mavzularda panel muhokamalari, uchrashuvlar va davra suhbatlari tashkil etildi. Shu jumladan, “Ayol tadbirkorlar uchun inklyuziv ekotizimlarni yaratish” mavzusidagi panel uchrashuvi alohida ahamiyat kasb etdi.
Unda mamlakatimizda ayollar tadbirkorligini qoʻllab-quvvatlash, ularning iqtisodiy jarayonlardagi faol ishtirokini taʼminlash hamda inklyuziv biznes muhitini shakllantirish masalalari muhokama qilindi.
Ushbu uchrashuvda “Mikrokreditbank” ATB Boshqaruv raisi oʻrinbosari Shaxlo Ibragimova ham ishtirok etdi.
Panelda, shuningdek, American Chamber Uzbekistan ijrochi direktori Tatyana Bystrushkina, Oʻzbekiston Respublikasi Prezident Administratsiyasi Tashqi siyosat tahlili va iqtisodiy hamkorlik boʻlimi boshligʻi Nozima Davletova, BMT Taraqqiyot Dasturining Oʻzbekistondagi doimiy vakili Akiko Fujii hamda Yevropa tiklanish va taraqqiyot bankining Oʻzbekistondagi direktori Andi Aranitasis kabi nufuzli mutaxassislar ishtirok etdi.
Ular tomonidan ayollarning iqtisodiy faolligini oshirish, ularga teng imkoniyatlar yaratish va tadbirkorlikni kengaytirish orqali barqaror iqtisodiy oʻsishga erishish boʻyicha amaliy taklif va gʻoyalar ilgari surildi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
