Facebook tarmog‘ida Samarqand viloyati Bogʼimaydon mahallasida yashovchi Dilshod Saidov tadbirkorlik bilan shugʼullanish istagida “Mikrokreditbank”ning Samarqand filialidan kredit olish uchun barcha hujjatlarni tayyorlagani, biroq kredit ajratilmagani yuzasidan tanqidiy post e'lon qilindi.
Mazkur holatni oʼrganish jarayonida fuqaro Dilshod Saidovga Bog`imaydon MFY hududidan konditer mahsulotlari (non va non mahsulotlari) ishlab chiqarish faoliyatini yoʼlga qoʼyish uchun yer maydoni ajratib berilganligi va ushbu yer maydonida fuqaro qurilish-ta’mirlash ishlarini amalga oshirayotganligi aniqlandi.
Fuqaro Saidov “Oilaviy tadbirkorlik” dasturi asosida imtiyozli kredit mablagʼlari olish uchun yagona elektron platforma orqali ariza berganligi va ushbu ariza ayni vaqtda Samarqand shahar hokimligi huzuridagi Oilaviy tadbirkorlikni qoʼllab-quvvatlash markazi tomonidan koʼrib chiqilayotganligi tushuntirildi.
Shuningdek, D.Saidovga kredit ajratish mazmunidagi ariza bank filialiga kelib tushgandan so`ng belgilangan tartibda kredit mablagʼlari ajratib berilishi toʼgʼrisida toʼliq ma’lumot berildi.
Yana ko‘ring
MKBANKning "Bank of China"da to‘g‘ridan-to‘g‘ri korrespondentlik hisobvarag‘i ochildi
MKBANKda raqamlashtirish bo‘yicha yana bir muhim yangilik!
