HАR BIR MUROJААT E’TIBORDА

Soʼnggi yillarda yurtimizda xalq bilan muloqot qilish, ularning murojaatini tinglash hamda hal etish masalasi yangi pogʼonaga koʼtarildi. Sabibi bu muhim jarayonga davlatimiz siyosati, taraqqiyotning bir boʼlagi sifatida qaralmoqda. 

Mikrokreditbank rahbariyati tomonidan ham aholi va tadbirkorlardan boʼlayotgan har bir murojaatga jiddiy eʼtibor qaratilib, uni hal etish choralari koʼrilmoqda. Bundan tashqari joylarda rahbariyat ishtirokida maxsus sayyor qabullar tashkil etilib, aholining murojaat va takliflari tinglanmoqda. 

Misol uchun, joriy yilning 7 oyida bank Boshqaruv Raisi va oʼrinbosarlari tomonidan joylarda 9 marta sayyor qabul tashkil etildi. Sayyor qabul jarayonida 132 nafar aholi va tadbirkorlik subʼektlarining murojaatlari tinglandi, shundan 128 ta murojaat joyida ijobiy hal qilindi. 

Shu bilan birga, murojaatlarga oʼz oʼrnida javob berilishini taʼminlash maqsadida, bankda “Call-markazi” faoliyati yoʼlga qoʼyilgan boʼlib, 90 foizdan ortiq murojaatlarga toʼgʼridan toʼgʼri sohaning malakali mutaxassislari tomonidan joyida javob berilmoqda. 

Shuningdek, murojaatlarda qayd etilayotgan tizimli muammolarni, xususan kreditlar ajratish jarayonini shaffoflashtirish, inson omilini cheklash choralari koʼrildi.

Jumladan: 

• aholi va tadbirkorlik subʼektlariga kreditlar, mikroqarzlar, isteʼmol va ipoteka kreditlarini inson omilisiz ajratilishini taʼminlash maqsadida, 6 ta onlayn kredit mahsuloti (“business online”-1,“business online-2”, “ekspress business online-2”, online-mikroqarz-1, online-mikroqarz-2, online-mikroqarz-3) ishlab chiqildi va amaliyotga joriy qilindi;yuridik shaxslar, shu jumladan xususiy tadbirkorlik subʼektlarining kredit buyurtmalarini koʼrib chiqish va rasmiylashtirish jarayoni shaffofligini taʼminlash maqsadida, bankda alohida “Аnderrayting xizmati” tizimi joriy etildi;
• bunda, kredit hujjatlari inson omilisiz maxsus dastur orqali tahlil qilinib, kredit ajratish mumkinligi yoki mumkin emasligi toʼgʼrisidagi xulosa elektron koʼrinishda yaratiladi.
• potentsial imtiyozli kredit oluvchilar kredit tarixini inson omilisiz “skoring tahlil” qilish tizimi raqamlashtirilib, har bir oila tadbirkor dasturi doirasidagi imtiyozli kreditlarni “Oila-kredit.uz” yagona onlayn platformasi orqali rasmiylashtirilishi va ajratilishi yoʼlga qoʼyildi. 

Natijada:

• 2022 yilning dastlabki 6 oyida imtiyozli kreditlar oʼz vaqtida berilmayotgani yuzasidan kelib tushgan murojaatlar soni 1390 tani tashkil etgan boʼlsa, joriy yilning mos davrida salkam uch barobarga qisqarib, 539 tani tashkil etdi;
• Oilakredit.uz va IABS dasturiy taʼminoti integratsiya qilinishi hisobiga kredit ajratish jarayoni (eski tizimda: 12 ta jarayon, vaqt sarfi 2,5-3 soat) 3 barobarga va vaqt sarfi 6 barobarga qisqardi.

Umuman olganda, yuqorida qayd etilgan ishlar amalga oshirilishi natijasida, Bank bosh ofisiga kelib tushayotgan murojaatlar soni oʼtgan yilning yanvarь-iyulь oylariga nisbatan 27 foizga qisqarib, 2 668 tani tashkil qildi. 
Bir soʼz bilan aytganda, Mikrokreditbank tomonidan aholi va tadbirkorlik subʼektlaridan boʼlayotgan murojaatlarga ijobiy yechim topish borasida izchil ishlar amalga oshirilmoqda. 

Bank axborot xizmati