Hayajon, do‘stlik va birdamlik musobaqasi: Boshqaruv raisi kubogi g‘oliblari aniqlandi!

MKBANKda mini-futbol bo‘yicha Boshqaruv raisi kubogi-2025 g‘oliblari ma’lum bo‘ldi. Xabaringiz bor, joriy yilning 24-may sanasidan “Mikrokreditbank” ATBda mini-futbol bo‘yicha Boshqaruv raisi kubogi start oldi. Mazkur musobaqada 24 ta jamoa 6 ta guruhga boʻlingan holda 5X5 shaklida to‘p surishdi.

Guruh bosqichi o‘yinlari va nim chorak final bahslari 25-may kuni oʻz yakuniga yetgandi.

Chorak final bahslari 31-may kuni o‘tkazilgan bo‘lsa, 1-iyun kuni qizg‘in va shiddatli final o‘yinlari boshlandi. 

Finalni esa taniqli futbol sharhlovchisi Mirzahakim Toʻxtamirzayev sharhlab bordi va bu ham jamoalarga o‘zgacha kayfiyat ulashdi.

MKBANK rais kubogi-2025 natijalar esa quyidagicha bo‘ldi.
1-oʻrin:  Bank Apparati
2-oʻrin: Ichki Audit departamenti
3-oʻrin: Budjet kontrolling departamenti

Shuningdek, mazkur musobaqada turli nominatsiyalar bo‘yicha ham peshqadamlar aniqlandi.
“Eng yaxshi darvozabon”: S.Narzullayev (Bank Apparati)
“Eng yaxshi toʻpurar”: M.Jumayev (Bank Apparati)
“Eng yaxshi oʻyinchi”: A.Ruziyev (Ichki Audit departamenti)

O‘yinning eng qiziq jarayoni muxlislar orasida ham g‘oliblarning aniqlangani bo‘ldi.

“Eng yaxshi muxlis” nominatsiyasida 7 nafar ashaddiy fanatlar aniqlandi va esdalik sovg‘alar bilan taqdirlandi.

Fursatdan foydalanib, MKBANK rahbariyatiga, tashkilotchilarga va barchaga minnatdorlik bildiramiz!

“Mikrokreditbank” ATB rahbariyati xodimlarning vaqtini mazmunli o‘tkazish, jamoaviy birdamlikni mustahkamlash, sportga bo‘lgan qiziqish hamda tizimda sog‘lom muhitni shakllantirish maqsadida jamoaviy musobaqalarni o‘tkazishga doim tayyor! Negaki bankimizdagi bunday musobaqa va o‘yinlar xodimlarimiz jispligi, sportga bo‘lgan e’tibori va albatta, o‘zaro birdamligimizni mustahkamladi, desak adashmaymiz. 

Do‘stlik, o‘zaro hurmat, samimiyat va yaxshi kayfiyatga to‘la o‘yin rasmlari bilan tanishing!

Bank Axborot xizmati