Ijtimoiy tarmoqlarda Qoraqalpog‘iston Respublikasi To‘rtko‘l tumanida tarqalgan murojaat yuzasidan quyidagilarni ma’lum qilamiz.
“Navro‘z” MFYda yashovchi fuqaro R. Abdullaev tomonidan chorvachilik faoliyatini yo‘lga qo‘yish maqsadida 04.02.2025 yilda ariza topshirilgan. Mahalla hokim yordamchisi tomonidan o‘rganish natijasida 09.02.2026-yilda ijobiy tavsiyanoma berilgan.
Mazkur tavsiyanoma asosida bank tomonidan ariza ko‘rib chiqilib, 09.02.2026 yil holatiga ko'ra kredit shartnomasi elektron shaklda rasmiylashtirilgan va bank tomonidan imzolangan.
Amaldagi tartibga ko‘ra kredit ajratish jarayoni quyidagi bosqichlarda amalga oshiriladi:
- Qarzdor kredit shartnomasi shartlari va to‘lov jadvali bilan tanishib, uni shaxsiy elektron kaliti orqali imzolashi lozim;
- Shundan so‘ng marketplace tizimi orqali mahsulot yetkazib beruvchi bilan shartnoma tuziladi;
- Mahsulot qabul qilingach va elektron hisob-faktura tasdiqlangach;
- Hokim yordamchisi tomonidan tovar (ish, xizmat) haqiqatda yetkazib berilgani bo‘yicha elektron dalolatnoma rasmiylashtiriladi;
- Dalolatnoma tasdiqlangandan keyin 3 bank ish kuni ichida mablag‘ yetkazib beruvchiga o‘tkaziladi.
Ta’kidlaymizki, mazkur holatda kredit berishni rad etish haqida qaror qabul qilinmagan. Jarayon amaldagi normativ-huquqiy hujjatlar talablari asosida bosqichma-bosqich amalga oshirilmoqda.
Bank davlat dasturlari doirasida fuqarolarga xizmat ko‘rsatishda qonunchilik va tasdiqlangan tartiblarga qat’iy amal qiladi.
Axborot xizmati
Yana ko‘ring
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
