Holatni to‘liq o‘rganishning imkoni bo‘lmadi

26-may kuni "Bastion" telegram tarmog‘ida bankning Andijon viloyat hududiy boshqarmasi tomonidan mahallarga biriktirilgan yordamchi-agentlarning ish rejimidan norozi boʻlgan murojaati eʼlon qilindi. 

Shuni maʼlum qilamizki, Andijon viloyatida 117 ta mahallaga 29 nafar mahalla bankiri hamda har bir mahallaga mahallani yaxshi biladigan yordamchi agentlar biriktirilgan boʻlib, ular tomonidan aholi bandligini taʼminlash, moliyaviy savodxonligini oshirish, bank mahsulotlarini aholiga taqdim etish borasida tizimli ishlar amalga oshirilmoqda. Natijada joriy yilning oʻtgan davrida hududga biriktirilgan mahalla bankiri va yordamchi agentlar tomonidan 230,6 mlrd soʻmlik kreditlar ajratilishiga va 6 768 nafar aholi bandligini taʼminlashga erishildi. 

Ayni paytda mahallalarga biriktirilgan bankir va yordamchi agentlardan ish tartibi yuzasidan shikoyatlar kelib tushmadi hamda ular oʻzlariga yuklatilgan vazifarni bajarib kelishmoqda. 

Shu oʻrinda yuqoridagi murojaatda shikoyatchining shaxsiy maʼlumotlarini aniqlash imkonsizligi sababli, toʻliq oʻrganishning imkoni boʻlmaganligini maʼlum qilamiz. 

Bank Axborot xizmati