Joriy yilning 19-mart kuni “kikki_viv” telegram kanalida Farg‘ona shahar Mikrokreditbankda fuqarolar imtiyozli kreditlar olishda ming chig‘iriqdan o‘tayotgani va bankda navbatlar ko‘pligini ma’lum qilib, bu holatga izoh olish uchun bank rahbariyatiga borishsa, ular yig‘ilishda ekanligi, fuqarolarni tinglaydigan xodim yo‘qligi haqida murojaat yo‘llagan.
Mazkur holat bank mas’ullari tomonidan o‘rganildi.
Ma’lum bo‘lishicha, mijozlar uchun imtiyozli kreditlar olishda hech qanday muammolar yo‘qligi, bu jarayon bank xodimlari tomonidan emas, balki hokim yordamchisi tavsiyasiga asosan va oilakredit.uz onlayn platformasi orqali amalga oshiriladi. Shuningdek, bankda imtiyozli kreditlar olishda hech qanday navbatlar kuzatilmagani va fuqarolarni qabul qilish odatdagi tartibda amalga oshirilayotgani ma’lum bo‘ldi.
Shu o‘rinda ta’kidlash kerakki, murojaatni to‘liq o‘rganish uchun murojaatchi bilan bog‘lanishning imkoni bo‘lmadi.
Bank Axborot xizmati
Yana ko‘ring
MKBANK va FOTON strategik hamkorlik va boʻlib toʻlash shartlari!
“Zolotaya Korona” yana faol!
