Jizzax viloyati Arnasoy tumanida Mikrokreditbank ATB Boshqaruv raisi o‘rinbosari Ikrom Djumaniyozov ishtirokida tadbirkorlar va aholi bilan ochiq muloqot o‘tkazildi. Unda 40 nafardan ortiq fuqaro va tadbirkor qatnashdi.
Uchrashuv davomida bank tomonidan “Uychi tajribasi” asosida taklif etilayotgan xizmatlar haqida batafsil ma’lumotlar taqdim etildi. Bankning ushbu tajriba asosidagi xizmatlari fuqarolar uchun yengillashtirilgan tartibda kreditlar taqdim etish, tadbirkorlikni qo‘llab-quvvatlash hamda iqtisodiy sharoitlarni yaxshilashga qaratilgan.
Ochiq muloqot jarayonida ishtirokchilar tomonidan quyidagi masalalar bo‘yicha murojaatlar qilindi:
• 30 dan ortiq kredit ajratish masalalari.
• 4 ta yer ajratish bo‘yicha talablar.
• Boshqa iqtisodiy va tashkiliy masalalar.
Bank rahbariyati har bir murojaatni joyida o‘rganish hamda tegishli tashkilotlar bilan hamkorlikda hal qilish bo‘yicha topshiriqlar berdi. Ushbu tadbir bank tomonidan tadbirkorlar bilan muntazam muloqot qilish, ularning takliflarini o‘rganish va amaliy ko‘mak ko‘rsatish borasidagi ishlarning bir qismi sifatida tashkil etildi.
Uchrashuv natijalariga ko‘ra, murojaatlar ijrosi yuzasidan mas’ul xodimlarga tegishli vazifalar yuklatildi va ularning hal etilishi bo‘yicha doimiy monitoring olib borilishi belgilandi.
Bank Axborot xizmati
Yana ko‘ring
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
