Bugun hunarmandchilik va kasanachilikni rivojlantirish orqali ishsiz aholi, ayniqsa, xotin-qizlar, mehnatga layoqatli nogironligi bo‘lgan shaxslarning bandligiga ko‘maklashish, ishlab chiqarish va xizmatlar ko‘rsatishni yanada kengaytirish maqsadida "Mikrokreditbank" ATB Boshqaruv raisi o‘rinbosari Ikram Djumaniyazov hamda Kambag‘allikni qisqartirish va bandlik vaziri o‘rinbosari Ra’no Turdiboyeva o‘rtasida hamkorlik memorandumi imzolandi.
Shuningdek, “Hunarmandchilik va kasanachilikni qo‘llab-quvvatlash jamg‘armasi” tomonidan ajratiladigan subsidiyalar, ssudalar bo‘yicha tadbirkorlik subyektlariga hamkorlikda tushuntirish hamda tavsiyalar berish, kasanachilik faoliyatini boshlash istagida bo‘lgan fuqarolarga ajratilayotgan imtiyozli kreditlar to‘g‘risida ijtimoiy tarmoqlar orqali hamkorlikda ma’lumot berib borishga kelishib olindi.
Eslatib o‘tamiz, O‘zbekiston Respublikasi Prezidentining 2023-yil 23-fevraldagi “Kasanachilikni yanada rivojlantirishga oid qo‘shimcha chora-tadbirlar to‘g‘risida”gi qaroriga asosan, Kambag‘allikni qisqartirish va bandlik vazirligi huzurida "Hunarmandchilik va kasanachilikni qo‘llab-quvvatlash jamg‘armasi" va "Mikrokreditbank" ATB tasarrufida "Kasanachilar maktabi faoliyatini rivojlantirish markazi" tashkil etilgan.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
