Joriy yilning 5-avgust kuni “BASTION” telegram kanalida Mikrokreditbankning Andijon viloyat filiali xodimlariga oylik maoshlari vaqtida berilmagani yuzasidan murojaat e’lon qilingan.
Mazkur murojaat o‘rganilganda quyidagilar ma’lum bo‘ldi.
“Mikrokreditbank” ATBning hududiy boshqarmalarida undiruv ishlari samaradorligini olib borish maqsadida fuqarolik-huquqiy shartnomasi rasmiylashtirilgan.
Oʻzbekiston Respublikasi Fuqarolik kodeksining 703-moddasiga asosan haq evaziga xizmat koʻrsatish shartnomasi boʻyicha ijrochi buyurtmachining topshirigʻi bilan ashyoviy shaklda boʻlmagan xizmatni bajarish (muayyan harakatlarni qilish yoki muayyan faoliyatni amalga oshirish), buyurtmachi esa bu xizmat uchun haq toʻlash majburiyatini oladi.
Taraflar oʻrtasida rasmiylashtirilgan fuqarolik-huquqiy shartnomasining 3.2- bandida “Undiruvchi” har oyning oxirgi sanasiga qadar “Buyurtmachi” tomonidan mazkur shartnomaning 2.1-bandida belgilangan haq miqdorini toʻlash uchun bajarilgan ishlar, xizmatlar va ularning natijasida toʻgʻrisida topshirish – qabul qilish dalolatnomasini rasmiylashtirib, “Buyurtmachi”ga taqdim qiladi.
Bugungi kunda “Mikrokreditbank” ATBda “Undiruvchi”lar tomonidan har oyda amalga oshirilayotgan ishlarni sarhisob qilish va ularga oylik maosh toʻlanishida inson omilini kamaytirish maqsadida dastur ishlab chiqilgan boʻlib, oy davomida bajarilgan ishlarni tasdiqlovchi hujjatlarni dasturga biriktirib borish amaliyoti joriy qilingan.
Joriy yilning 29-iyul kuni oy davomida bajarilgan ishlarning holati dastur orqali oʻrganilganda, ayrim xodimlarning asoslovchi hujjatlari dasturga biriktirilmaganligi aniqlangan.
Fuqarolik-huquqiy shartnomasining 3.4-bandida “Buyurtmachi” “Undiruvchi” tomonidan taqdim qilingan xizmatlar bajarilganligi toʻgʻrisida topshirish - qabul qilish dalolatnomasida koʻrsatib oʻtilgan xizmatlar, ishlar va ularning natijasini tasdiqlovchi hujjatlar va dalillarning taqdim etilishini talab qilishga haqli ekanligi belgilangan.
Ayni damda undiruvchilarning oy davomida bajargan ishlari toʻgʻrisidagi maʼlumotlari oʻrganilib, undiruvchilar tomonidan kamchiliklar bartaraf etilgandan soʻng oylik toʻlovlar toʻlab berildi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
