Toshkent shahrining Chilonzor tumanida tijorat banklarining kredit mahsulotlari yarmarkasi boʻlib oʻtdi. Ushbu tadbirda turli banklar qatorida Mikrokreditbank ham oʻz mahsulot va xizmatlarini taqdim etdi. Yarmarkada 55 ta mahalladan kelgan fuqarolar ishtirok etib, tijorat banklarining imtiyozli kreditlari, biznesni qoʻllab-quvvatlash dasturlari va moliyaviy xizmatlari haqida batafsil maʼlumot olish imkoniga ega boʻldi.
Tadbir davomida Mikrokreditbank masʼullari jami 47 nafar murojaatni qabul qildi, shulardan 32 nafari imtiyozli shartlarda kredit olish istagini bildirdi. Hozirda ularning arizalari koʻrib chiqilib, kredit ajratilishi boʻyicha zarur choralar amalga oshirilmoqda.
Ta’kidlash kerakki, uarmarka tadbirkorlar, startapchilar va biznes boshlashni maqsad qilgan fuqarolar uchun moliyaviy resurslarga ega boʻlish yoʻlida muhim platforma vazifasini bajardi. Tadbir doirasida bank vakillari bilan toʻgʻridan-toʻgʻri muloqotlar tashkil etilib, kredit olish shartlari, zarur hujjatlar va biznesni rivojlantirish boʻyicha foydali maslahatlar berildi.
Kelgusida tadbirkorlik va moliyaviy savodxonlikni oshirishga qaratilgan bunday yarmarkalar muntazam ravishda tashkil etilishi rejalashtirilgan.
Bank Axborot xizmati
Yana ko‘ring
MKBANK va FOTON strategik hamkorlik va boʻlib toʻlash shartlari!
“Zolotaya Korona” yana faol!
