Joriy yilning 19-sentabr kuni “BASTION” telegram kanalida “Mikrokreditbank” АTBning Boyovut filialidan yuridik shaxs sifatida kredit olgan, biroq, bir qancha vaqtdan beri yopilgan kredit qismidagi garovlarni taqiqdan chiqara olmayotgan tadbirkor murojaati e’lon qilindi.
Murojaatga ko‘ra, kreditning maʼlum qismi yopilgan; mijoz tomonidan kreditning yopilgan qismi uchun taqdim qilingan garovlarni taqiqdan chiqarib berish bo‘yicha bank filialiga shu yilning avgust oyi boshidan buyon murojaat qilinayotgani, ammo biror natija bo‘lmayotgani shikoyat qilingan.
Ushbu murojaat bo‘yicha o‘rganish ishlari olib borilganda quyidagilar aniqlandi.
Haqiqatan ham, joriy yilning 23-avgust kuni “Mikrokreditbank” АTB Boyovut filiali mijozi “Class Comfort” MChJga ajratilgan 900,0 mln.so‘m kredit mablag‘i taʼminoti sifatida taqdim qilingan Damas, ikki dona Cobalt rusumli avtotransport vositalarini hamda savdo binosini garov taʼminotidan chiqarish bo‘yicha murojaat qilgan.
Ayni vaqtga qadar “Class Comfort” MChJning “2-sonli kartoteka”sidagi 1,2 mln.so‘m hamda 1,1 mln.so‘m muddati o‘tgan foiz qarzdorligi so‘ndirilmaganligi sababli, “Mikrokreditbank” tizimida kredit yig‘majildlarini shakllantirish va hujjatlarni rasmiylashtirish reglamenti talablariga asosan, kredit taʼminotiga qabul qilingan mulklarni qisman taqiqdan chiqarishga ruxsat berilmagan edi.
Hozirgi kunda “Class Comfort” MChJning “2-sonli kartoteka” va muddati o‘tgan qarzdorliklari so‘ndirilganligi sababli, kredit taʼminoti sifatida taqdim etilgan mulklarni qisman taqiqdan chiqarish ishlari amalga oshirilmoqda.
Shuningdek, bank xodimlari tomonidan “Class Comfort” MChJ rahbari Sh.Tojiboyevga kredit taʼminoti uchun taqdim etilgan mulklarni qisman taqiqdan chiqarish bo‘yicha to‘liq tushuntirish berildi.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
