“Telegram” ijtimoiy tarmogʼidagi “Bankir kundaligi” kanalida “Sherzodbek Inter Servis” MChJ rahbarining Mikrokreditbankdan olgan krediti taʼminotini almashtirish masalasida muammoga duch kelayotgani haqidagi murojaati eʼlon qilindi.
Murojaatda, 1 mlrd 800 million soʼm kredit taʼminoti uchun qoʼyilgan Buxoro shahri, T.Farogʼiy koʼchasida joylashgan 74-uyning 11-xonadoni va 2021-yilda ishlab chiqarilgan “Kobolt” rusumli avtotransport vositasini taqiqdan chiqarib, oʼrniga 2023-yilda ishlab chiqarilgan “Jetour” rusumli avtotransport vositasini qoʼymoqchiligi aytilgan.
“Sherzodbek Inter Servis” MChJga bank tomonidan ajratilgan kredit mablagʼi taʼminoti uchun taqdim etilgan garov mulklarini almashtirish boʼyicha Buxoro viloyat mintaqaviy filiali tomonidan joriy yilning 5-oktabrida bank Boshqaruviga murojaat qilingan.
Xat joriy yilning 6-oktyabr sanasidan Kreditlarni boshqarish departamentiga garov taʼminotlarini oʼrganib, Bosh ofis Kredit qoʼmitasiga kiritish maqsadida ijro va nazorat uchun oʼtkazilgan.
Kreditlarni boshqarish departamenti xodimlari tomonidan ushbu mijozning kredit tarixi oʼrganilib, oʼrnatilgan tartibda joriy yilning 13-oktabr sanasida Bosh ofis Kredit qoʼmitasi muhokamasiga kiritildi.
Bankning kredit yigʼmajildlarini shakllantirish va hujjatlarni rasmiylashtirish reglamentiga asosan, mijoz tomonidan muddati oʼtgan qarzdorliklarni shu oyning 25-sanasiga qadar bartaraf etish sharti bilan garov taʼminotlarini almashtirishga ruxsat berildi.
Bank Аxborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
