Mikrokreditbank tomonidan mahallalardagi tadbirkorlikni rivojlantirish va aholi bandligini oshirish maqsadida yangi moliyaviy xizmatlar joriy etildi. Endilikda mahalla bankirlari orqali fuqarolar va tadbirkorlar “Mening mahallam” hamda “Hamroh” nomli maxsus kredit mahsulotlaridan foydalanishlari mumkin.
“Mening mahallam” krediti
Mazkur kredit o‘zini o‘zi band qilgan fuqarolar hamda tadbirkorlikni boshlayotgan shaxslar uchun mo‘ljallangan bo‘lib, quyidagi shartlar asosida ajratiladi:
50 mln so‘mgacha (mol-mulk garovisiz)
Kredit foiz stavkasi 24% dan boshlab
30 mln so‘mgacha bo‘lgan qismi naqd pulda yoki tadbirkorlik subyektining bank hisobvarag‘iga o‘tkazish orqali ajratiladi.
“Hamroh” krediti
Ushbu kredit kamida bir yil davomida faoliyat yuritgan va ijobiy kredit tarixiga ega bo‘lgan kichik va o‘rta tadbirkorlik subyektlari uchun taqdim etiladi. Bunda:
1,5 mlrd so‘mgacha miqdorda ajratiladi
Kamida 2 ta ish o‘rni yaratish sharti bilan 375 mln so‘mgacha, 5 ta ish o‘rni yaratish sharti bilan 1,5 mlrd so‘mgacha beriladi
Kredit 84 oygacha muddatga, 24 oy imtiyozli davr bilan taqdim etiladi
Foiz stavkasi 23,5% (Markaziy bank stavkasi + 10%)
Bundan tashqari, ijtimoiy ahamiyatga ega loyihalarni moliyalashtirish uchun kredit stavkasi qo‘shimcha 2 foizga pasaytirilgan holda ajratilishi ham mumkin. Bunga, xususan, kam ta’minlangan va nogironligi bo‘lgan bolalarni tarbiyalash va o‘qitish bilan bog‘liq loyihalar kiradi.
Mikrokreditbank ushbu yangi kredit dasturlari orqali mahallalarda tadbirkorlik muhitini yanada rivojlantirish, ish o‘rinlari yaratish va aholini moliyaviy qo‘llab-quvvatlashga xizmat qilishini ma’lum qiladi.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
