Haqiqatan ham, joriy yilning 18-noyabr kuni oʻzlarini Effect.uz sayti xodimlari deb tanishtirgan shaxslar fuqaro murojaati yuzasidan Bosh bankka kelishgan va bu haqda joriy yilning 19-noyabr kuni Instagram tarmogʻidagi “xalq_dardi_rasmiy” sahifasida Mikrokreditbank filialiga jurnalistik surishtiruv amalga oshirish uchun borgan jurnalistga bank binosidagi kuzatuv kamerasi arxivi bir oylik muddatni qamrashi, undan oldingi tasvirlar mavjud emasligi aytilgani hamda mutasaddilar jurnalist savolini ochiq qoldirgani tanqid qilingan.
Qayd etish kerakki, murojaatga aniqlik kiritish maqsadida ular bank mutaxassislaridan Qoraqalpogʻiston Respublikasi Nukus bank xizmatlari ofisiga oid 2023-yilgi videokuzatuv kameralari yozuvlarini taqdim etishni soʻrashgan.
Ularga amaldagi talablarga muvofiq, videokuzatuv kameralari arxivi kamida bir oy davomida saqlanishi, barcha kameralar yozuvlarini uzoq muddat saqlashning texnik imkoniyati shunga moslanganligi tushuntirildi.
Shu bilan birga, Effect.uz sayti vakillari bilan ochiqlik tamoyillariga asoslangan holda konstruktiv muloqot tashkil etilganini maʼlum qilamiz.
Bank Axborot xizmati
Yana ko‘ring
Eskrou xizmatlarini dam olish kunlari ham amalga oshira olasiz
Rahbar va yoshlar uchrashuvi: tibbiyot muassasasida
