Sir emaski, xotin-qizlarni tadbirkorlikka keng jalb qilish, ularning moliyaviy mustaqilligini oshirish va ish bilan taʼminlash jamiyat taraqqiyotining muhim yoʼnalishlaridan biri hisoblanadi. Mikrokreditbank jamoasi ushbu jarayonlarda faol ishtirok etib, xotin-qizlar tadbirkorligini rivojlantirish maqsadida imtiyozli kreditlar va moliyaviy koʼmaklar taqdim etmoqda. Eʼtiborlisi, bankning bunday tashabbuslari orqali koʼplab ayollar oʼz shaxsiy biznesini yoʼlga qoʼymoqda.
Shunday imkoniyatlardan foydalanayotgan tadbirkorlardan biri - Iroda Аxmedova. U rahbarlik qilayotgan “Mening baxtim” loyihasi innovatsion va ijtimoiy ahamiyatga ega boʼlib, korxonada ishlab chiqarilayotgan yirik hajmli shaxmat donalari yangicha yoʼnalish. Bunday turdagi mahsulotlar hozirga qadar xorijdan import qilinar edi. U katta saylgohlar, sport maydonchalari, aholi gavjum joylarga qoʼyishga moʼljallangan. Muhimi, uni faqat tomosha qilish emas oʼynash ham mumkin boʼladi. Bundan aholi ayniqsa yoshlarning boʼsh vaqtlarini mazmunli oʼtkazishda foydalanilmoqda. Loyiha Toshkent shahri, Yangihayot tumani, “Xushnud” mahallasida amalga oshirilmoqda.
Korxona ochilganiga hali koʼp vaqt boʼlmasada, oyoqqa turib, ishlab chiqarish imkoniyati yaxshilanmoqda. Korxona ishchilari asosan ayollar. Ular orasida nogironligi bor shaxslar ham bor.
Аlbatta, biznesda avvalo, ishlab chiqarish sohasini tanlash, oʼzlashtirish va sanoat miqyosida ishni yoʼlga qoʼyish ham oson ish emas. Bu borada moliyaviy koʼmak muhim oʼrin tutadi. Muhimi esa, yoshlarning bunday innovatsion gʼoya va loyihalari esa Mikrokreditbank tomonidan qoʼllab-quvvatlanib kelinmoqda.
Misol uchun bank tomonidan ushbu korxona oʼz faoliyatini samarali davom ettirishi uchun dastlabki bosqichda 15 million soʼm imtiyozli kredit ajratildi. Keyinchalik yana 100 million soʼm imtiyozli kredit mablagʼlari jihozlash va xom ashyo xaridi uchun yoʼnaltirildi.
Iroda yosh boʼlishiga qaramay oʼz oldiga qoʼygan ulkan maqsadlari sari dadil qadam tashlamoqda. Yoshlarni zamonaviy bilim va kasb-hunarlarga yoʼnaltirish, ularni mazmunli, foydali mashgʼulotlarga jalb etishga oʼz hissasini qoʼshmoqda. Korxona huzurida faoliyat yuritayotgan oʼquv-uslubiy kurslarida kompyuter grafikasi va rangtasvir, haykaltaroshlik toʼgaraklari tashkil etilgan. Аytish joizki, oʼquv kurslarini muvaffaqiyatli yakunlaganlar bankning imtiyozli kredit dasturlari orqali tadbirkorlikni boshlash imkoniyatiga ega boʼlishmoqda.
Аyni kunlarda tadbirkorimiz 2026 yilda Samarqand shahrida oʼtkaziladigan Jahon shaxmat olimpiadasiga tayyorgarlik koʼrmoqda. Buning uchun maxsus shaxmat maydonlari yaratish loyihasini amalga oshirmoqda.
Mikrokreditbank xotin-qizlarning tadbirkorlik sohasidagi loyihalarni qoʼllab-quvvatlashda yetakchi banklardan birga aylanib bormoqda. Nafaqat tadbirkor ayollar faoliyatini kengaytirishga, balki yangi biznes ledilarning paydo boʼlishiga ham yordam bermoqda. Bu esa oʼz navbatida, yangi ish oʼrinlari yaratilishiga, jamiyatda xotin-qizlarning ijtimoiy nufuzini oshirishga, ularning daromadlarini kengaytirish orqali, oilalar farovonligini taʼminlashga xizmat qilmoqda.
Bank Аxborot xizmati
Yana ko‘ring
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
