MKBANK yurtimizda meva-sabzavotchilikni rivojlantirish uchun xorijdan 30 mln AQSH dollari jalb qildi.

Yaponiya xalqaro hamkorlik agentligi (JICA) ishtirokida “Meva-sabzavotchilik tarmog‘ida qo‘shilgan qiymat zanjiri yaratishni rivojlantirish (II bosqich)” loyihasi doirasida O‘zbekiston Respublikasi Iqtisodiyot va moliya vazirligi, Qishloq xo‘jaligi vazirligi hamda “Mikrokreditbank” ATB o‘rtasida 30,0 mln. AQSH dollari miqdoridagi mablag‘larni jalb qilish bo‘yicha qayta kreditlash bitimi imzolandi. 

Mazkur mablag‘lar respublika hududida qishloq xo‘jaligining meva-sabzavotchilik tarmog‘ini rivojlantirish maqsadida sub-kreditlar ajratishga yo‘naltirilishi rejalashtirilgan. 

Ma’lumot uchun: Yaponiya xalqaro hamkorlik agentligi (JICA) ishtirokida «Meva-sabzavotchilik tarmog‘ida qo‘shilgan qiymat zanjiri yaratishni rivojlantirish” loyihasining 1-bosqichida 2021-yilda bank tomonidan 27,1 mln. AQSH dollari miqdoridagi mablag‘lar jalb qilinib, 30 ga yaqin sub-loyihalar moliyalashtirish uchun yo‘naltirilgan. 

Bank axborot xizmati