Hurmatli, kasaba uyushmalari faollari va aʼzolari!
Sizlarni, “O‘zbekiston kasaba uyushmalari kuni” bayrami bilan chin qalbimdan samimiy tabriklab, eng ezgu niyat va tilaklarimni bildiraman.
Bugungi kunda kasaba uyushmalari jamiyatimizning muhim bir bo‘g‘iniga aylangan eng yirik jamoat tashkiloti sifatida eʼtirof etilayotgani ham ayni haqiqat.
O‘zbekiston kasaba uyushmalari Federatsiyasining sakkizinchi Qurultoyi zarhal harflar bilan bitiladigan qator voqeliklarga boy tarzda tarixga kirdi va unda ilk bor davlatimiz rahbarining delegatlarga tabrigi yo‘llandi.
O‘zbekiston Respublikasi Prezidenti Sh.Mirziyoyev yo‘llagan tabrigida so‘nggi 5 yilda kasaba uyushmalari tizimida keng ko‘lamli chora-tadbirlar amalga oshirilganligini, mehnat jamoalarida xodimlarni ijtimoiy-iqtisodiy qo‘llab-quvvatlash ishlari yangi bosqichga ko‘tarilganligini, mamlakatimizdagi eng yirik fuqarolik instituti bo‘lgan kasaba uyushmalarining o‘rni va roli oshib borayotgani alohida eʼtirof etildi.
O‘zbekiston tarixida birinchi marotaba 11-noyabr – “O‘zbekiston kasaba uyushmalari kuni” etib belgilandi.
Аyni paytda, “Mikrokreditbank” aksiyadorlik-tijorat banki tizimidagi boshlang‘ich tashkilotlar 3200 nafardan ziyod aʼzolarni birlashtirib, ularning kasbiy, mehnatga oid, ijtimoiy-iqtisodiy, huquq va manfaatlarini taʼminlash, munosib mehnat sharoitlarini yaratish borasida ish beruvchilar bilan samarali hamkorlik olib borayotgani fikrimiz tasdig‘idir.
Kasaba uyushmalarining munosib mehnat sharoitlarida mehnat qilish, ish haqi, bandlik, xodimlar va ularning oila aʼzolarini sog‘lomlashtirish, maʼnaviy-maʼrifiy ishlar samaradorligini oshirish, respublikamizdagi diqqatga sazovor qadamjolarga sayohatlar tashkil etish, yozgi mavsumda bolalarning oromgohlarda dam olishlarini tashkillashtirish, xalqaro hamkorlik aloqalarini mustahkamlash hamda taʼsirchan jamoatchilik nazoratini o‘rnatishga oid tashabbuslarini qo‘llab-quvvatlaymiz.
Sizlarni yana bir bor “O‘zbekiston kasaba uyushmalari kuni” bayrami bilan samimiy qutlab, barchangizga sihat-salomatlik, masʼuliyatli va xayrli ishlaringizda zafarlar tilayman.
Xonadonlaringizni tinchlik-xotirjamlik, fayzu baraka, baxt va omad hech qachon tark etmasin!
“Mikrokreditbank” aksiyadorlik-tijorat banki Boshqaruvi raisi O.Butayev
Yana ko‘ring
Bayram kunlaridagi ish tartibi!
MKBANK tizimida texnik ishlar olib borilmoqda!
