Joriy yilning 14-mart kuni “Oila va xotin-qizlarni qoʻllab-quvvatlash tizimini yanada takomillashtirish chora-tadbirlari toʻgʻrisida”gi PQ-103-sonli Prezident qarori qabul qilindi. Qarorda, 2025-yilda xotin-qizlarni qoʻllab-quvvatlashning asosiy maqsadli koʻrsatkichlari va Tadbirkor ayollar kengashi tashkil etilishi belgilab berildi. Bundan maqsad, yurtimizdagi yetakchi ishbilarmon ayollardan iborat Tadbirkor ayollar kengashini tashkil etish hamda tadbirkorlik sohasida ayollarni qoʻllab-quvvatlashdan iborat.
Quvonarlisi, tadbirkor ayollar kengashi aʼzoligiga ikkita bankning boshqaruv raisi oʻrinbosarlari saylangan boʻlib, ulardan biri Mikrokreditbank Boshqaruv raisi oʻrinbosari Shahlo Ibragimova boʻladi.
Shahlo Alimbayevnani ushbu mas’uliyatli vazifa bilan tabriklaymiz!
Mikrokreditbank xotin-qizlarning tadbirkorlik sohasidagi loyihalarni qoʼllab-quvvatlashda yetakchi banklardan biriga aylanib bormoqda. Nafaqat tadbirkor ayollar faoliyatini kengaytirishga, balki yangi biznes ledilarning paydo boʼlishiga hamda ularning daromadlarini kengaytirish orqali, oilalar farovonligini taʼminlashga xizmat qilmoqda.
Maʻlumot uchun, Savdo-sanoat palatasi huzurida tashkil etilgan ushbu kengash tarkibiga jami 27 nafar xotin-qizlar kiritildi.
Kengashning asosiy vazifasi ishbilarmon xotin-qizlarning muammo va qiyinchiliklarini, jumladan, joylarga chiqqan holda tahlil qilish va ularga yechimlar ishlab chiqishga qaratilgan.
Bank Axborot xizmati
Yana ko‘ring
Rahbar va yoshlar uchrashuvi: tibbiyot muassasasida
Korporativ bank kartalari: tezkorlik, shaffoflik va qulay boshqaruv
