Oʻzbekiston Respublikasi Prezidentining 2021-yil 21-apreldagi “Yoshlar sanoat va tadbirkorlik zonalari faoliyatini tashkil etish hamda yoshlarning tadbirkorlikka oid tashabbuslarini qoʻllab-quvvatlash chora-tadbirlari toʻgʻrisida”gi PQ-5088-sonli qarori bilan tashkil etilgan Yosh tadbirkorlarni qoʻllab-quvvatlash jamgʻarmasi mablagʻlari hisobidan 2021-2024-yillar davomida “Mikrokreditbank” ATB tomonidan 114 nafar yosh tadbirkorlar loyihalari uchun 118,6 mlrd. soʻm ekvivalenti miqdoridagi kredit mablagʻlari ajratilgan.
Mazkur jamgʻarma Oʻzbekiston Respublikasi Prezidentining 2025-yil 14-fevraldagi “Yoshlar tadbirkorligini hamda ularning bandligini taʻminlashga qaratilgan biznes loyihalarni qoʻllab-quvvatlash tizimini takomillashtirish chora-tadbirlari toʻgʻrisida”gi PQ-60-sonli qarori bilan Investitsiyalar, sanoat va savdo vazirligining Yosh tadbirkorlarni qoʻllab-quvvatlash jamgʻarmasi negizida Yoshlar ishlari agentligi huzurida davlat muassasasi shaklida Yoshlar tadbirkorligini rivojlantirish davlat maqsadli jamgʻarmasi sifatida qayta tashkil etildi.
Kuni kecha “Mikrokreditbank” ATB Boshqaruv raisi oʻrinbosari I.Djumaniyazov hamda Yoshlar tadbirkorligini rivojlantirish davlat maqsadli jamgʻarmasi ijrochi direktori Shaxzod Omonov oʻrtasida uchrashuv boʻlib oʻtdi. Ochiq va samimiy oʻtgan muloqot Yoshlar tadbirkorligini rivojlantirish davlat maqsadli jamgʻarmasi hisobidan moliyaviy resurs taqdim etish toʻgʻrisidagi BK-2/2025-sonli bosh kelishuv imzolanishi bilan yakunlandi.
Mazkur kelishuv yoshlar tadbirkorligini qoʻllab-quvvatlash, mikro-moliya xizmatlari koʻrsatish hamda yoshlar uchun bilim va koʻnikmalarni rivojlantirish yoʻlidagi hamkorlikni kuchaytirishga qaratilganligi bilan ahamiyatlidir.
Hamkorlik bo‘yicha kelishuv yoshlarning biznes tashabbuslarini qo‘llab-quvvatlash, innovatsion g‘oyalarini hayotga tatbiq etish va tadbirkorlik muhitini yanada rivojlantirishga xizmat qiladi, - deydi “Mikrokreditbank” ATB Boshqaruv raisi oʻrinbosari I.Djumaniyazov.
Taʻkidlash kerakki, BK-2/2025-sonli bosh kelishuvi “Mikrokreditbank” ATB va Yoshlar ishlari agentligi oʻrtasidagi hamkorlikni yanada kuchaytiradi, yoshlar uchun yangi imkoniyatlar yaratadi va biznes dunyosidagi iqtidorli yoshlarga yoʻl ochadi.
Bank Axborot xizmati
Yana ko‘ring
MKBANK mijozlari uchun yangi imkoniyat — OlmaPay xalqaro pul o‘tkazmalari xizmati ishga tushirildi
Piskentlik tadbirkorlar bilan ochiq muloqot o'tkaziladi!
