"Mikrokreditbank" xodimlarining badiiy va ilmiy adabiyotlarga boʻlgan qiziqishini oshirish, ularga keng imkoniyat yaratish maqsadida bank kutubxonasi yangi kitoblar bilan boyitilmoqda.
Bugungi kunda kutubxonamizda 5 mingga yaqin turli adabiyotlar jamlangan. Jahon va oʻzbek adabiyoti durdonalari, ilmiy nashrlar, shuningdek, qiziqarli asarlar xodimlarning ishdan boʻsh vaqtlarini samarali oʻtkazish va maʼnaviy kamolotini yuksaltirishga xizmat qilmoqda.
Bugun kutubxonaga yana yangi kitoblar toʻplami keltirildi va xodimlar uchun mazkur kitoblarning taqdimoti boʻlib oʻtdi. "Mikrokreditbank" va "Ijod NASHR" nashriyoti hamkorligidagi "Chigʻanoq" loyihasi doirasida nashr etilgan Mansur Jumayevning "Hazrati ishq" va Faxriddin Hayitning "Osmon yaqin" kitoblari bank kutubxonasiga topshirildi. Bankimiz homiyligida nashrdan chiqarilgan ushbu kitoblar kutubxona javonidan oʻrin egalladi.
Taqdimot marosimida bank Boshqaruv raisi oʻrinbosarlari - Ikrom Djumaniyazov va Shahlo Ibragimova ishtirok etib, yangi nashrlar haqida oʻz fikr-mulohazalari bilan oʻrtoqlashdilar. Loyiha doirasida bugungi oʻzbek sheʼriyati va nasrining koʻzga koʻringan navqiron vakillarining dastlab 5 nafar muallifining (talabga qarab, davom ettiriladi) kitoblari bank moliyaviy koʻmagida chop etilishi rejalashtirilgan. Mualliflar Oʻzbekiston Yozuvchilar uyushmasida taʼsis etilgan nufuzli tahrir hayʼati hamda bank rahbariyati tomonidan tanlangan.
Biz jamoamiz bilan xalqimizga moliyaviy xizmatlar taklif etish bilan bir qatorda, milliy adabiyotimizning durdona namunalarini vatandoshlarimizga yetkazish, kitobxonlikni keng targʻib etish va yosh ijodkorlarni qoʻllab-quvvatlashda davom etamiz.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
