Kuni kecha, poytaxtimizdagi Intercontinental mehmonxonasida Franklin Templeton kompaniyasi Toshkent shahridagi o‘z ofisini ochishi munosabati bilan tantanali marosim bo‘lib o‘tdi. Unda qator tashkilotlar bilan bir qatorda “Mikrokreditbank” ATB Boshqaruv raisi o‘rinbosari I.Djumaniyazov va bank jamoasi ham kechaning qadrli mehmoni sifatada ishtirok etdi.
Tantanali marosimda Franklin Templeton va O‘zbekiston Respublikasi Prezidenti administratsiyasi vakillari nutq so‘zlab, mazkur kompaniyaning yurtimiz investitsiya bozoriga munosib hissa qo‘shishiga ishonch bildirishdi.
Mazkur tadbir O‘zbekiston Respublikasi tomonidan O‘zbekiston Respublikasi Milliy Investitsiya jamg‘armasini tashkil etish borasidagi muhim tashabbus desak adashmaymiz! O‘z navbatida, O‘zbekiston Respublikasi milliy investitsiya jamg‘armasining tashkil etilishi xalqaro investitsiyalarni jalb etilishi, kapital bozorining rivojlanishi hamda yurtimiz farovonligiga hissa qo‘shishiga xizmat qiladi.
Ma’lumot uchun, O‘zbekiston Respublikasi Milliy Investitsiya jamg‘armasi O‘zbekiston Respublikasi Prezidentining 2024-yil 27-avgustdagi qaroriga ko‘ra tashkil etilgan. O‘zbekiston Respublikasi Milliy Investitsiya jamg‘armasining ustav kapitali davlat ulushi mavjud korxona va tijorat banklari kapitali hisobiga shakllantirilgan. Franklin Templeton ushbu jamg‘armaning ishonchli boshqaruvchisi sifatida o‘z faoliyatini boshlagan.
Bank Axborot xizmati
Yana ko‘ring
“Kitob o‘qish soati”da “Men sevgan kitob” tanlovi
Tadbir yakunida “Eng ilhomlantiruvchi parcha”ni o‘qib bergan xodimlar esdalik sovg‘alari bilan taqdirlanishdi.
MKBANK shanba va yakshanba kunlari ham ishlaydi
MKBANKda “Ommaviy diktant” tanlovi tashkil etildi
Bank jamoasi diktant yozishni yoshlik va maktab davrlarini eslatuvchi begʻubor damlarga qiyoslashdi.
