Joriy yilning 19-mart kuni Milliy matbuot markazida Mikrokreditbank ATB tomonidan 2023-yil davomida amalga oshirilgan ishlar va erishilgan natijalarga bagʻishlangan navbatdagi Matbuot anjumani boʻlib oʻtdi. Unda Boshqaruv raisining birinchi oʻrinbosari A.Xamidov, jurnalist va blogerlar ishtirok etdi.

Matbuot anjumanida A.Xamidov bankning 2025-yilgacha rivojlantirish strategiyasi boʻyicha ishlab chiqilgan “Yoʻl xaritasi”da belgilangan chora-tadbirlar ijrosining taʼminlanishi natijasida 2023-yilda quyidagi ijobiy koʻrsatkichlarga erishganini ta’kidlab o‘tdi. 

Jumladan:

bank kapitali qariyb 4 trln. soʻmga; 
umumiy aktivlar 12 foizga oshib, 19 trln. soʻmga; 
kredit portfelini 1,5 trln.soʻmga oshishiga erishildi;
bankdagi umumiy depozitlar qoldigʻi 6,3 trln.soʻmga yetgan holda 2023-yilda 900,0 mlrd.soʻmlik qoʻshimcha mablagʻ jalb qilindi.

cf661eaa-3768-4baf-bca0-9953122fcc7e.png

Hisobot davrida bank tomonidan, AQSH, Yevropa, Yaponiya, Saudiya Arabistoni xamda Jahon banki guruhiga kiruvchi moliya institutlari bilan tuzilgan 12 ta shartnomaga asosan 250,2 mln.dollar mablagʻlari jalb qilindi. 

Jalb qilingan resurslar hisobidan barcha moliyalashtirish manbalari boʻyicha oʻtgan yilda 184 427 nafar mijozga 5,1 trln. soʻm kredit ajratilib, qariyb 99 169 ta yangi ish oʻrinlari yaratildi.

Hududlarni ijtimoiy-iqtisodiy rivojlantirish dasturi doirasida 2023-yilda 4,4 trln.soʻm (1,8 trln.soʻm bank krediti) qiymatdagi 859 ta loyihalar ishga tushirildi va natijada 11 897 ta yangi ish oʻrinlari yaratildi.

f0acb9c6-06b1-4e0a-bdf8-3c068324a2ae.png

Bankka biriktirilgan parrandachilik sohasini moliyaviy qoʻllab-quvvatlash uchun 152 mlrd. soʻm kreditlar ajratilib 279 ta parrandachilik korxonalari (yillik 1 571 mln.dona tuxum, 68 367 tonna goʻsht, 241 460 tonna ozuqa-yem mahsulotlari ishlab chiqarish quvati yaratildi, 1 305 ta yangi ish oʻrinlari yaratildi) faoliyatining uzluksizligi taʼminlandi. 

Umumiy hisobda bankning moliyaviy koʻmagi hisobiga 2023-yilda 10 942 ta yangi tadbirkorlik subyektlari paydo boʻldi.

8594b83c-f81c-406a-a766-bd795552c1e5.png

Bankda kreditlar ajratish bilan birga, avval ajratilgan kreditlarning qaytarilishiga ham alohida eʼtibor qaratildi. Xususan, kredit shartnomalariga asosan 2023-yilda qaytarilishi lozim boʻlgan 4,4 trln. soʻm kredit toʻlovlari undirildi, shundan 1,6 trln. soʻmi oilaviy tadbirkorlik yoʻnalishida ajratilgan kreditlar hissasiga toʻgʻri keladi.

Matbuot anjumani davomida jurnalist va blogerlar tomonidan berilgan savollarga atroflicha javoblar ham berildi.

Bank Axborot xizmati