“Mikrokreditbank” ATB tomonidan navbatdagi sayyor qabul o‘tkazildi

Joriy yilning 22-may kuni “Mikrokreditbank” ATB Toshkent shahar boshqarmasi tominidan tadbirkorlar bilan sayyor qabul bo‘lib o‘tdi.

Unda Toshkent shahar boshqarmasi boshlig‘i O.Sultanov, Yunusobod tumani hokim o‘rinbosari A.To‘laganov hamda Toshkent BXO va BXM rahbarlari ishtirok etishdi. 

Mazkur uchrashuvda 40 nafardan ortiq bank mijozlari va tadbirkorlar qatnashib, o‘zlarini qiziqtirgan savollarga joyida javob olishdi. Shuningdek, sayyor qabul davomida tadbirkorlar tomonidan 15 ta taklif bildirildi, 9 ta murojaat kelib tushdi.

Shulardan 5 ta murojaat joyida hal qilindi, 4 ta murojaat esa o‘rganish uchun mas’ul xodimlarga biriktirildi.

Ochiq muloqot shaklida boʻlib oʻtgan uchrashuvda bank mijozlari faoliyatlarini rivojlantirish, ish oʻrinlari yaratish, yangi loyihalar uchun kreditlar ajratilishi, imtiyozli kreditlardan samarali foydalanish borasida ham fikr yuritildi.

Ma’lumot uchun, bu kabi uchrashuvlar bugun Toshkent shahar boshqarmasi binosida ham bo‘lib o‘tmoqda. 

Bank Axborot xizmati