O‘zbekiston Respublikasi Prezidentining 2023-yil 23-fevraldagi “Kasanachilikni yanada rivojlantirishga oid qo‘shimcha chora-tadbirlar to‘g‘risida”gi PQ-70-sonli qaroriga asosan, Kambag‘allikni qisqartirish va bandlik vazirligida “Hunarmandchilik va kasanachilikni qo‘llab-quvvatlash jamg‘armasi” va “Mikrokreditbank” aksiyadorlik-tijorat banki tasarrufida “Kasanachilar maktabi faoliyatini rivojlantirish markazi” tashkil etilgan.
Kasanachilik va hunarmandchilikni rivojlantirish orqali ishsiz aholi, ayniqsa, xotin-qizlar, mehnatga layoqatli nogironligi bo‘lgan shaxslarning ish bilan bandligiga ko‘maklashish, ishlab chiqarish va xizmatlar ko‘rsatishni yanada kengaytirish maqsadida kuni kecha “Mikrokreditbank” aksiyadorlik-tijorat banki va O‘zbekiston Respublikasi Hunarmand uyushmasi o‘rtasida o‘zaro hamkorlik memorandumi imzolandi.
Mazkur memorandum “Mikrokreditbank” aksiyadorlik-tijorat banki Boshqaruv raisi o‘rinbosari I.Djumaniyazov va Hunarmand uyushmasi raisining birinchi o‘rinbosari Q.Djamalov tomonidan imzolandi va kelgusidagi ishlar to‘g‘risida kelishib olindi.
Bu orqali hududlarda hunarmandchilik va kasanachilik faoliyatining samaradorligini tubdan oshirish, aholi bandligini taʼminlash uchun shart-sharoitlar yaratish, kasanachilik va hunarmandchilik faoliyati bo‘yicha maqsadli dasturlar ishlab chiqish hamda ishsiz fuqarolarni kasanachilikka oid kasb-hunarga o‘qitish ishlarini tashkil etish rejalashtirilgan.
Shuningdek, aprel oyida bankimiz tomonidan Buxoro viloyatida kasanachilik bo‘yicha amalga oshirilgan keng qamrovli ishlar davomi sifatida bugun o‘zaro hamkorlik bo‘yicha tuzilgan memorandum ham rejadagi chora-tadbirlar ijrosini jadallashtirishda dasturulamal bo‘lib xizmat qiladi.
Bank Axborot xizmati
Boshqa yangiliklar
MKBANKda yutuqli aksiya!
