Mikrokreditbankda “Ernst&Young” xalqaro auditorlik kompaniyasi bilan hamkorlikda “Tavakkalchilik funksiyasini rivojlantirish” yo‘nalishi xalqaro standartlar va ilg'or tajribalarga muvofiq transformatsiya qilinmoqda.
Bankni rivojlantirish strategiyasiga ko‘ra, Risk-menejment tizimini takomillashtirish bo‘yicha Ernst&Young xalqaro konsalting kompaniyasi 2022-yil noyabr oyida jalb qilinib, hamkorlikda bir qator ishlar amalga oshirildi. Jumladan, bankning risklarni boshqarish tizimi toʼliq diagnostikadan oʼtkazildi. Diagnostika o‘tkazish davomida bankning biznes jarayonlari o‘rganildi hamda bank xodimlari ishtirokida intervyular o‘tkazildi. O‘tkazilgan diagnostika natijasida bankning kelgusida risklarni boshqarish strategiyasi va rivojlantirish yo‘l xaritasi ishlab chiqilib, asosiy yo‘nalishlar belgilab olindi.
“Ernst&Young” tomonidan risklarni boshqarish tizimini barcha asosiy yo‘nalishlari (IRM, kredit, moliyaviy (likvidlilik, valyuta, bozor, foiz risklari), operatsion risklar) bo‘yicha ichki me’yoriy hujjatlar, vositalar va bank mahsulot va xizmatlari uchun risk modellari ishlab chiqildi.
Hozirda Ernst&Young ko‘magida risklarni boshqarish asosiy yo‘nalishi bo‘yicha siyosatlari, tartiblari, metodikalari, risk-appetiti, stress-test va hisobot shakllari amaliyotga tadbiq etish ishlari olib borilmoqda. Konsultantlar bilan birgalikda 65 dan ortiq ichki me’yoriy hujjatlar ishlab chiqildi, risk hisobot shakllari yaratildi, shuningdek, bank xodimlari uchun o‘quv mashg‘ulotlari o‘tkazilib on-boarding materiallari ishlab chiqildi.
Loyihani muvaffaqiyatli amalga oshirish quyidagi natijalarga erishiladi:
• risklarni boshqarish bo'yicha zamonaviy ilg'or tajribalarni joriy etiladi;
• jarayon ishtirokchilarining tashkiliy tuzilmasi, rollari, mas’uliyati, funksiyalari va KPI ko‘rsatkichlari aniq belgilanadi;
• risklarni to‘liq siklini boshqarish vositalari joriy etiladi;
• risklarni boshqarish tizimining me’yoriy-uslubiy bazasini shakllanadi;
• barcha asosiy risklar bo‘yicha hisobotlar shakllantiriladi;
• kredit risklari, bozor risklari, operatsion risklarni boshqarish bo'yicha yondashuvlar takomillashtiriladi;
• risklarni boshqarish vositalarini bankning kundalik faoliyatiga amaliy tatbiq etiladi;
• xodimlarning bilim ko‘nikmasi oshiriladi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
