Bugun yurtimizda ayollar jamiyatning barcha jabhalarida faol ishtirok etmoqda. Turizm, xizmatlar koʻrsatish, sanoat mahsulotlari ishlab chiqaish, qishloq xoʻjaligi kabi kator sohalarda xotin-qizlar tadbirkorligi yangi bosqichga koʻtarildi.
Bunda davlatimiz tomonidan yaratilayotgan sharoitlar, biznes yuritishdagi qulayliklar, imtiyozli kreditlar va har bir hudud imkoniyatlaridan kelib chiqib taklif etilayotgan loyihalar muhim oʻrin tutadi.
Joriy yilning 20-avgust kuni yangi Toshkentda Prezidentimizning tadbirkorlar bilan oʻtkazgan ochiq muloqotida xizmatlar sohasini jadal rivojlantirish orqali qisqa muddatda va tez daromad beradigan ish o‘rinlarini yaratish haqida to‘xtalib o‘tildi. Turizmni rivojlantirish boʻyicha yangi dastur boshlandi.
Mikrokreditbank ham tadbirkorlarni qoʻllab-quvvatlash, aholining turizm va xizmat koʻrsatish sohasidagi loyihalarini amalga oshirish uchun qulay shart-sharoitlar yaratib kelmoqda. Samarqanddagi “New City” oilaviy korxonasiga qarashli “Renessans” mehmonxonasi bunga bir misol.
- Bino boshida ta’mirlanmagan holatda edi, uni zamonaviy holatga keltirdik. Ayni damda 10-20 nafar ayolni ishli qilgan mehmonxonamiz sayyohlar va mahalliy aholining mehrini qozongan maskanga aylandi, deydi tadbirkor Umida Baxriddinova.
Prezidentimizning 2022-yil 19-apreldagi “Hududlarda tadbirkorlik loyihalarini moliyalashtirish mexanizmlarini yanada kengaytirish chora-tadbirlari toʻgʻrisida”gi qarori asosida mazkur oilaviy korxonaga “Mikrokreditbank” ATB tomonidan 5 milliard soʻm miqdorida imtiyozli kredit ajratilgan. Bugungi kunda “Renessans” mehmonxonasi mahalliy va xorijiy sayyohlarga yuqori darajadagi xizmatlarni taqdim etmoqda.
Kechagina ishni nimadan boshlashni bilmay turgan opa-singillarimiz bugun oʻz biznesiga ega, muvaffaqiyatli tadbirkorga aylanmoqda. Bugun “Renessans” kabi yirik mehmonxonalarni ayollar boshqarmoqda. Bu esa oʻzbek tadbirkor ayolining qanchalik kuchli, aqlli va muvaffaqiyatli ekanini yaqqol namoyon etmoqda.
Shu oʻrinda raqamlarga eʼtiboringizni qaratmoqchimiz. “Mikrokreditbank” ATB tomonidan oʻtgan yillar davomida “Hududlarda tadbirkorlik loyihalarini moliyalashtirish mexanizmlarini yanada kengaytirish chora-tadbirlari toʻgʻrisida” gi qaroriga asosan, 343 nafar tadbirkorga 338,3 mlrd. soʻm kredit ajratilgan boʻlib, buning hisobidan 2 847 ta ish oʻrni yaratilgan.
2025-yilning oʻtgan davrida bank tomonidan turizm hamda xizmatlar sohasiga salkam 2 trillon soʻm miqdoridagi kreditlar ajratilgan. Ushbu mablag‘larning 100 mlrd. soʻmdan oshiq qismi Samarqand viloyatidagi 1 379 ta korxona hissasiga toʻgʻri keladi.
Prezidentimiz taʼkidlaganidek: “Yangi Oʻzbekiston taraqqiyotini, istiqbolini taʼminlaydigan kuch – bu tadbirkorlar. Davlatimizni boy qiladigan kuch – bu tadbirkorlar. Xalqimiz, oilalar hayotini farovon qiladigan kuch – bu tadbirkorlar".
Mikrokreditbank esa tadbirkorlarning ishonchli hamkori sifatida ularni moliyaviy qoʻllab-quvvatlashda davom etadi.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
MKBANK xodimi “MO‘TABAR AYOL” ko‘krak nishoni bilan taqdirlandi!
