Poytaxtimizdagi Ramada mehmonxonasida 5-6-mart kunlari “O‘zbekistonda parrandachilikning zamonaviy muammolari II” nomli xalqaro seminar bo‘lib o‘tdi.
Unda yurtimizdagi parrandachilik bilan shug‘ullanuvchi tadbirkorlarga xorijlik ekspertlar tomonidan foydali ma’lumotlar, parrandachilikdagi muammolarga yechimlar bo‘yicha ma’ruzalar qilindi. Shuningdek, seminar qatnashchilari parrandachilikdagi zamonaviy kasalliklarga qarshi kurashish, uning oldini olish bo‘yicha bilim va ko‘nikmalarga ega bo‘lishdi.
2 kunlik seminarda dunyo parrandachiligida yetakchi mutaxassislar deya e’tirof etilgan Nurzhan Berdenov “Parrandachilikdagi global tendensiyalar”, Mohamed Ali “Emlash texnologiyalari va xizmatlari”, Hosameldin Abdelhafez “Past patogenli parranda grippi H9H2” haqidagi juda qimmatli ma’lumotlarini taqdim etishdi.
Bugun mamlakatimizda parrandachilik bo‘yicha amalga oshirilayotgan ishlar salmog‘i kengayib, soha rivoji uchun keng imkoniyatlar yaratilmoqda.
Xususan, bu borada Mikrokreditbank parrandachilikni rivojlantirish uchun salmoqli hissa qo‘shmoqda. Ayniqsa, parrandachilikni tashkil qilishdan tashqari, soha bilan shug‘ullanayotgan tadbirkorlar uchun imtiyozli kreditlar, parrandalar uchun zarur dori vositalariga foydali kreditlar ajratilmoqda.
Soʻnggi uch yilda Mikrokreditbank tomonidan 263 ta parrandachilik loyihalariga jami 750 mlrd.soʻm miqdorida kredit mablagʻlari ajratilgan. Natijada, parrandachilik xoʻjaliklarida yiliga 694 mln.dona tuxum, 48,8 ming tonna parranda goʻshti va 272 ming tonna parrandalar uchun ozuqa ishlab chiqarish quvvatlari yaratilib, ularning parranda boqish quvvatlari 38 foizdan 82 foizga yetkazilgan.
Bank Axborot xizmati
Yana ko‘ring
MKBANK rahbariyati qoraqalpog'istonlik tadbirkorlar bilan uchrashdi
Pul o‘tkazmalari berilish tartibi bo‘yicha rasmiy izoh
