Bugungi kunda yuzaga kelgan geosiyosiy vaziyat sababli, yetakchi xorijiy davlatlar tomonidan Rossiya va Belarus davlatlariga, jumladan ushbu davlatlarning banklari, yuridik va jismoniy shaxslariga  nisbatan sanktsiyalar qo‘llanilishi, shu bilan birga mazkur sanksion shaxslar ro‘yxati oshib borayotgani kuzatilmoqda.

  Shuningdek, yetakchi xorijiy davlatlar tomonidan amaldagi sanksiyalarni aylanib o‘tish yo‘llarini oldini olish bo‘yicha keskin choralar ko‘rilayotgani, jumladan sanksion ro‘yxatdagi jismoniy va yuridik shaxslarga mablag‘ chiqarish yoki ta'qiqlangan yuklarni yuborishga yo‘l qo‘ygan tashkilotlarga nisbatan qo‘shimcha ravishda sanksiyalar qo‘llanilmoqda. Jumladan, AQSh (OFAC, FinCen va BIS) va ittifoqchilar tomonidan belgilangan sanktsiyalar va taqiqlar talablariga rioya etmasdan transchegaraviy to‘lovlar o‘tkazilishi va sanksiya talablarini aylanib o‘tish uchun sharoit yaratilishi xalqaro to‘lov tizimlari va xorijiy banklar tomonidan munosabatlar to‘xtatilishi mumkinligi to‘g‘risida tijorat banklari ogohlantirib borilmoqda.

   Bugungi kunda Mikrokreditbank tizimida sanksiyalar bilan bog‘liq ishlarni amalga oshirishda bank va mijozlarning faoliyatida yuzaga keladigan salbiy oqibatlarning oldini olish maqsadida qator ishlar amalga oshirildi.

   Bankning tashkiliy tuzilmasida Sanktsiyaviy komplayens boshqarmasi tashkil etildi va Reglament ishlab chiqildi. Ushbu boshqarma bank tizimida xorijiy davlatlar yoki halqaro moliyaviy tashkilotlar tomonidan mamlakatlar, yuridik yoki jismoniy shaxslar, ma'lum turdagi mahsulotlar, moliyaviy operatsiyalarga qo‘llanilgan sanktsiya risklarni aniqlash, baholash va xatarlarni oldini olishni amalga oshirishda mas'ul etib belgilandi.

  Shuningdek, bank va mijozlarning moliyaviy faoliyatida sanktsiya ro‘yxtiga tushgan sub'ektlarni aniqlash imkonini beruvchi tegishli dasturlar (Sanction screening utility va boshqalar) o‘rnatilib ishga tushirildi. Bugungi kunda, bank mijozlarining tranzaktsiyalarini o‘tkazishda ushbu dasturlar orqali tekshirish (skrining) o‘tkazilib, bank va mijozga nisbatan sanktsiyaviy xatar mavjud bo‘lmagan taqdirda operatsiya amalga oshirib berilmoqda.

   Shu bilan birga, Bank xodimlarining moliyaviy sanksiyalar bilan ishlash bo‘yicha bilim va ko‘nikmalarini oshirib borishda nufuzli moliyaviy tashkilotlar bilan hamkorlikda seminar - treninglar o‘tkazib borilmoqda. Jumladan, Qozog‘istonning “Zerde” o‘quv markazi bilan hamkorlik olib borgan holda, joriy yilning 17-19 oktyabr kunlari Buyuk Britaniyaning ICA komplayens halqaro assotsiatsiyasi ekspertlari tomonidan olib boriladigan “Sanktsiyaviy komplayens” mavzusida treninglar o‘tkazildi hamda seminar yakunida ishtirok etgan bank xodimlari maxsus sertifikatlarga ega bo‘lishdi.