“Mikrokreditbank” aksiyadorlik-tijorat banki o‘z mijozlariga qulay shartlarda moliyaviy ko‘mak ko‘rsatish maqsadida xalqaro moliya institutlari bilan hamkorlikni kengaytirmoqda. Shu doirada bank tomonidan xorijdan 30 million AQSh dollari miqdorida mablag‘ jalb qilindi.
Mazkur mablag‘lar davlat dasturlari, kichik va o‘rta biznes subyektlari hamda tadbirkorlik loyihalarini moliyalashtirish uchun yo‘naltiriladi. Bu esa yurtimizdagi biznes subyektlarini qo‘llab-quvvatlash, yangi ish o‘rinlarini yaratish va iqtisodiy o‘sishga hissa qo‘shish imkonini beradi.
Bank tomonidan jalb etilgan ushbu mablag‘lar, ayniqsa, ishbilarmonlik faoliyatini kengaytirish, ishlab chiqarish hajmini oshirish hamda eksport salohiyatini rivojlantirish istagida bo‘lgan tadbirkorlar uchun muhim moliyaviy resurs bo‘lib xizmat qiladi.
Shuningdek, ushbu mablag‘ hisobidan ayollar va yoshlar tadbirkorligini rivojlantirish, innovatsion loyihalarni qo‘llab-quvvatlash hamda hududlarda ijtimoiy-iqtisodiy barqarorlikni ta’minlash bo‘yicha qator chora-tadbirlar amalga oshirilishi rejalashtirilgan.
“Mikrokreditbank” bundan keyin ham mahalliy tadbirkorlarning ishonchli moliyaviy hamkori sifatida ularning rivojlanishiga ko‘maklashishda davom etadi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
