Maʼlumki, Germaniya Federal kansleri Olaf Shols 2024-yil 15-16-sentabr kunlari Oʻzbekistonga davlat tashrifi doirasida ikki davlatning yetakchi kompaniyalari va bank vakillari ishtirokida qoʻshma uchrashuvlar boʻlib oʻtmoqda.
Ushbu tadbirlar doirasida Mikrokreditbank va AKA Bank oʻrtasida tadbirkorlarning loyihalarini uzoq muddatga moliyalashtirish orqali xalqaro savdo sharoitida biznesni qoʻllab-quvvatlash va rivojlantirish maqsadida shartnoma imzolandi.
Mazkur kelishuv Oʻzbekiston va Germaniya oʻrtasidagi biznesni qoʻllab-quvvatlash hamda rivojlantirish uchun muhim ahamiyat kasb etgan holda, mamlakatning turli sohalarida kichik va oʻrta biznesga qoʻshma koʻmak koʻrsatishni nazarda tutadi, bu esa yangi ish oʻrinlarini yaratish va iqtisodiy oʻsishni ragʻbatlantirishga yordam beradi.
Bundan tashqari, ushbu kelishuv ikki mamlakat yetakchilari tomonidan qabul qilingan 2024-2026-yillarga moʻljallangan Texnologik hamkorlik va sanoat kooperatsiyasi dasturini amalga oshirishga xizmat qiladi. Mazkur dastur Oʻzbekiston milliy iqtisodiyotini rivojlantirish, uning yuqori oʻsish surʼatlarini taʼminlash, investitsiya va innovatsiya muhitini yaxshilashga qaratilgan.
Maʼlumot uchun: “AKA Bank” 1952-yilda Yevropaning yetakchi banklari konsorssiumi tomonidan tashkil etilgan ixtisoslashgan moliya instituti boʻlib, uning asosiy maqsadi - savdoni rivojlantirish va Yevropa tovarlari hamda xizmatlarini xalqaro bozorlarga eksport qilishni moliyalashtirishga qaratilgan.
Bank Axborot xizmati
Yana ko‘ring
Bank kartangiz yoningizda yo‘q, lekin naqd pul kerakmi?
MKBANK va AQSH banki o‘rtasida uchrashuv bo‘lib o‘tdi
