Mikrokreditbank xalqaro “Mastercard” toʻlov kartalarini joriy qildi

Xabaringiz bor, 2023-yil Samarqandda boʻlib oʻtgan Yevropa tiklanish va taraqqiyot banki Boshqaruvchilar kengashining 32-yillik yig'ilishida Mikrokreditbank va xalqaro “Mastercard” toʻlov kartalari oʻrtasida kelishuv imzolangan edi. Ayni damda, mazkur bitimga asosan MKBANK mijozlariga bayram sovgʻasi sifatida yanada qulay va xalqaro darajadagi moliyaviy xizmatlarni taqdim etish maqsadida “Mastercard” toʻlov kartalarini joriy qildi.

Ushbu yangi xizmat mijozlarga turli moliyaviy operatsiyalarni tezkor, xavfsiz va qulay amalga oshirish imkonini beradi.  

Endilikda Mikrokreditbank mijozlari “Mastercard” kartalari orqali: 
• Xalqaro miqyosdagi onlayn va offlayn toʻlovlarni amalga oshirish; 
• Xorijiy valyutalarda mablagʻ saqlash va foydalanish; 
• Cheklovsiz mablagʻlarni bankka murojaat qilmasdan onlayn boshqarish; 
• Kartadan kartaga onlayn pul oʻtkazmalari; 
• “Mastercard” virtual va biznes kartalari; 
• “Mastercard” 3DS xizmatlari; 
• Barcha bankomatlar orqali naqd pul yechish imkoniyatiga ega boʻladilar. 

Qadrli mijozlar! Bu hali hammasi emas! Bayram bayramdek boʻlsin, deb MKBANK “Mastercard”ning birdaniga 3ta kartasini ishga tushirdi. 

1. Mastercard premium (Mastercard World Elite)
2. Mastercard World Black Edition
3. Mastercard Standart

Mazkur kartalar kontaktsiz toʻlovlarni amalga oshirishda sizga qulaylik bilan birga xavfsizlikning yuqori kafolatini ham taqdim etishiga ishonamiz! 

“Mastercard” kartalari shuningdek, mijozlarga zamonaviy moliyaviy erkinlik va xalqaro bozorlarda yanada keng imkoniyatlarni taklif etadi. Kartaga ega boʻlish uchun mijozlar MKBANKning barcha BXM va BXOlariga tashrif buyurishlari yoki bankning rasmiy veb-sayti orqali roʻyxatdan oʻtishlari mumkin.   

Mikrokreditbank oʻz mijozlarini xalqaro darajadagi xizmatlar bilan taʼminlashni davom ettiradi. “Mastercard” kartasi – mijozlarning vaqt va mablagʻlarini tejashga qaratilgan yana bir muhim qadam. 

Bank Axborot xizmati