Ushbu yangi tizim — “AVTOPARK” moduli bank avtoparkiga oid barcha jarayonlarni yagona platforma orqali boshqarish imkonini beradi.
Modul yordamida har bir avtomobil alohida elektron kartochka orqali hisobga olinadi. Unda davlat raqami, marka va model, texnik pasporti, sug‘urta muddati hamda mas’ul haydovchi kabi barcha ma’lumotlar bir joyda jamlanadi. Shu bilan birga, yoqilg‘i, servis va ta’mirlash xarajatlari avtomatik shaklda qayd etilib, oy yakuni bo‘yicha yagona hisobot shakllantiriladi.
Yana bir muhim jihati — YPX va radar kameralaridan keladigan jarimalar avtomatik tarzda tizimga yuklanadi. Mazkur jarima tegishli avtomobil va haydovchiga bog‘lanadi hamda to‘lov holati bo‘yicha monitoring yuritiladi. Bunda haydovchilik intizomi oshishi bilan birga, jarimalar bo‘yicha aniq statistika shakllanadi.
Modul haydovchilar faoliyatini ham tizimli tarzda aks ettiradi. Har bir haydovchi uchun ma’lumotlar bazasi yaratilib, jarimalar soni, yoqilg‘i sarfi bo‘yicha samaradorlik va intizomiy ko‘rsatkichlar yuritiladi. Yo‘l varaqalari va masofa hisob-kitoblari to‘liq avtomatlashtirilishi esa kundalik jarayonlarni ancha yengillashtiradi.
“AVTOPARK” moduli Elektron hukumat API orqali jarimalarni avtomatik olish, bankning ERP va HRM tizimlari bilan integratsiya qilish imkoniyatiga ega. Zarurat tug‘ilganda elektron imzo orqali tasdiqlash jarayonlari ham yo‘lga qo‘yilishi maqsad qilingan.
Yakunida, ushbu modulning joriy etilishi Mikrokreditbankda xizmat avtomobillarini boshqarish jarayonlarini soddalashtiradi, xarajatlarni optimallashtiradi, kelgusi yil rejasiga mazkur xarajatlarni avtomatik shakllantirish imkoniyatini yaratadi va barcha jarayonlarning shaffofligini ta’minlaydi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
