Mikrokreditbankda yangi “Biznes-reja” ijrosini nazorat qilish moduli muhokama qilindi
Xabaringiz bor, “Mikrokreditbank” ATB tomonidan “Fido biznes” MCHJ bilan hamkorlikda IABS dasturida “Biznes-reja” ijrosini nazorat qilish moduli banklar orasida birinchi bo‘lib ishga tushirilgan edi.
1 oydan buyon test rejimida ishlayotgan mazkur modul bilan bankning barcha hududiy boshqarmalari va Bosh ofis xodimlari tanishtirildi.
Mazkur modul bankda raqamli transformatsiya jarayonlarini jadallashtirish hamda boshqaruv samaradorligini oshirish maqsadida bankning biznes-reja ko‘rsatkichlari ijrosini real vaqt rejimida monitoring qilish, tahlil etish hamda nazorat jarayonlarini avtomatlashtirish imkonini beradi. Tizim orqali hududiy bo‘linma va tarkibiy bo‘linmalar kesimida belgilangan rejalar ijrosi, ko‘rsatkichlarning bajarilish darajasi hamda mavjud holat yuzasidan tezkor ma’lumotlar olish mumkin.
Taqdimotda bunday raqamlashtirish bankda har bir bo‘linma va hududiy boshqarmaning o‘z biznes rejasini tizimda shakllantirib, uni kuzatib borish imkoniyatini yaratishi borasida batafsil ma’lumotlar berildi.
Shuningdek, barcha jarayonlar yagona platforma orqali boshqarilib, Bankning “Biznes-reja” ijrosi kunlik Reja/Fakt asosida nazorat qilinishi alohida ta’kidlandi.
Taqdimot davomida xodimlarning takliflari ham tinglandi va modulning bank uchun imkoniyatlari, qulayliklarini yanada takomillashtirish lozimligi qayd etildi.
Ta’kidlanishicha, ushbu modul bank faoliyatida shaffoflikni ta’minlash, ichki nazorat tizimini kuchaytirish va biznes jarayonlarini yanada samarali tashkil etishga xizmat qiladi.
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
