MKBANKda xodimlarning ma'naviy-ma'rifiy salohiyatini yuksaltirish, gender tenglik tamoyillarini mustahkamlash hamda ayol xodimlarning kasbiy va shaxsiy rivojlanishini qo'llab-quvvatlash maqsadida O‘zbekiston Islom sivilizatsiyasi markaziga ma'naviy-ma'rifiy tashrif tashkil etildi.
Tashrif davomida ishtirokchilar Markazning boy ekspozitsiyalari bilan tanishib, buyuk allomalarimizning ilm-fan, madaniyat va ma'rifat rivojiga qo‘shgan ulkan hissasi haqida batafsil ma'lumotlarga ega bo‘ldilar. Ajdodlarimizning boy ilmiy merosi, bag‘rikenglik, insonparvarlik va ma'rifatga asoslangan qadriyatlari bugungi taraqqiyot uchun ham muhim ahamiyat kasb etishi alohida ta'kidlandi.
Shuningdek, tashrif doirasida gender tenglikni ta'minlash, ayollarning jamiyat va mehnat jamoalaridagi o‘rnini yanada mustahkamlash, ularning liderlik salohiyatini rivojlantirish hamda o‘zaro tajriba va fikr almashish masalalari yuzasidan ochiq muloqot tashkil etildi.
Ishtirokchilar o‘z fikr va mulohazalarini bildirib, kasbiy faoliyatda duch kelinayotgan masalalar, yangi tashabbuslar hamda istiqboldagi rejalar yuzasidan samarali suhbat olib bordilar.
Mazkur tashrif nafaqat ma'naviy ozuqa olish, balki jamoaviy birdamlikni mustahkamlash, xodimlar o‘rtasida o‘zaro ishonch va hamkorlikni yanada rivojlantirishga xizmat qildi.
MKBANK inson kapitalini rivojlantirish, xodimlarning bilim va salohiyatini oshirish hamda gender tenglik tamoyillarini hayotga izchil tatbiq etishga qaratilgan bunday tashabbuslarni kelgusida ham davom ettiradi.
Bank Axborot xizmati
Yana ko‘ring
MKBANK — Silk Road Finance & Technology Forum 2026’da!
MKBANK vakillari xalqaro ekspertlar va texnologik kompaniyalar bilan tajriba almashib, moliyaviy xizmatlarni yanada rivojlantirish va mijozlar uchun qulay raqamli yechimlarni joriy etish bo‘yicha yangi imkoniyatlarni o‘rgandi.
MKB Premium Plus — biznes uchun qulayliklar bir paketda
