MKBANK Bank va Ma’rifat Forumida!

24–26 sentabr kunlari Oʻzbekiston milliy kutubxonasida Markaziy bank tashabbusi bilan "Bank va Maʼrifat: Bilimli jamiyat bilan qudratli iqtisodiyot sari" Forumi oʻz ishini boshladi. Uch kun davomida kitob, bilim va yangi gʻoyalar manziliga aylanishi maqsad qilingan forumda MKBANK ham “Chigʻanoq” nomli innovatsion loyihasi bilan faol ishtirok etmoqda.

Soʻnggi yillarda yurtimizda kitobxonlik madaniyatini rivojlantirish va bu yoʻnalishdagi tashabbuslarni qoʻllab-quvvatlashga alohida eʼtibor qaratilmoqda. Ana shunday xayrli ishlar doirasida “Mikrokreditbank” ATB va “Ijod NASHR” nashriyoti hamkorligida “Chigʻanoq” loyihasi amalga oshirilmoqda.

Bank xalqimizga moliyaviy xizmatlarni taklif etish bilan bir qatorda, milliy adabiyotimizning durdona namunalarini ham qoʻllab-quvvatlab, xalqmizning maʼnaiviy kamoloti yuksalishida oʻz hissasini qoʻshmoqda.

Loyiha doirasida bugungi oʻzbek sheʼriyati va nasrining navqiron vakillari ijodiyotini kitobxonga yetkazish maqsadida ularning asarlari bank moliyaviy koʻmagida nashr etilmoqda.

Loyihaning ilk nashri – Oʻzbekiston Yozuvchilar uyushmasi aʼzosi, shoir va yozuvchi Faxriddin Hayitning “Osmon yerga yaqin” kitobi boʻldi. U haqda Oʻzbekiston xalq yozuvchisi Isajon Sulton: “Bu kitob bir ijodkor koʻz oʻngida kechayotgan hayot haqida”, deya taʼkidlagan edi.

“Chigʻanoq”ning ikkinchi nashri ham oʻz kitobxonlarini uzoq kuttirmadi. Mansur Jumayevning “Hazrati ishq”, Fozil Farxodning Avtoportet kabi sheʼriy kitoblari ketma-ket nashrdan chiqa boshladi.
Chin shoirning dini ishq, mazhabi ishqdir, chin shsheʼrda ishq kuylanadi. Shoir Mansur Jumayevnnig “Hazrati ishq”ida ayni shu azaliy va abadiy tuygʻu tarannum etilsa, Fozil Farhodning “Avtoportret”ida aziz yurt, mehribon ota-ona, muqaddas ayolga bagʻishlovlar oʻrin egallagan.

“Mikrokreditbank” ATB nafaqat moliyaviy xizmatlar koʻrsatishda, balki millat maʼnaviyatini yuksaltirish, yosh ijodkorlarni qoʻllab-quvvatlash hamda kitobxonlik madaniyatini keng targʻib etishda ham oʻz hissasini qoʻshib kelmoqda.

Ayni damda forumda tijorat banklari va nashriyotlar ham oʻz loyihalari bilan qatnashmoqda.

Mazkur forum 26-sentabrga qadar davom etadi

Bank Axborot xizmati